I ftuar special i Universitetit Mesdhetar, Angjeli: Vepër e madhe, ka vlerë për të shkuarën dhe të ardhmen

Në një ceremoni të vecantë të organizuar nga Universiteti Mesdhetar i Shqipërisë,  ish- Presidenti i Kosovës Fatmir Sejdiu ka përuruar librin e tij  “Ora e Kosovës, pavarësia dhe shtetndërtimi”.

Fatmir Sejdiu (Ish-President i Kosovës): Për mua është një privilegj i veçantë që të jem sot me ju në këtë ngjarje. Unë kam bërë përpjekje të kem libër, “Orën e Kosovës” si një metaforë që udhëzon dhe jep mesazhin e vet. Tani duhet të jetë shekulli i shqiptarëve ai që duhet të na lëvizë përtej edhe të na çojë shumë fuqishëm.

Presidenti i Universitetit Mesdhetar Anastas Angjeli e cilësoi librin, një vepër të madhe e cila ka vlerë jo vetëm për te shkuarën, por edhe të ardhmen.

Anastas Angjeli (President i Universitetit Mesdhetar): Libri dëshmon për njohuritë bashkohore të shtet ndërtimit modern, shpalljen e pavarësisë së Kosovës, hartimin e miratimin e Kushtetutës, për mjeshtërinë e negocimit me partnerët e huaj, për vendimmarrjen e duhur e të drejtë vizionare që ai kishte e ka dhe që e përcjell përmes këtij libri.

Pjesë e ceremonisë së përurimit të këtij libri ishin edhe ish-Presidenti Alfred Mojsiu, ish-Presidenti Bamir Topi, personalitete të politikës, shkencës si dhe stafi akdemik e studentë të Universitetit Mesdhetar të Shqipërisë.

Klan News