Me rastin e fillimit te vitit te ri shkollor presidenti Bamir Topi ka uruar te gjithë nxënësit e mësuesit për një vit të suksesshëm.

Kreu i shtetit ishte i pranishëm në shkollën 9-vjeçare “Servete Maçi” ku ai ka kaluar 8 vitet e para te shkollës.

Presidenti Topi ka theksuar domosdoshmërinë për te thelluar reformat ne arsim.

Bamir Topi: “Sot janë të gjitha mundësitë që nxënësit shqiptarë, qytetarët shqiptarë të jenë plotësisht në standardet e qytetarëve evropianë. Për këtë është e padiskutueshme që politika, institucionet e Shqipërisë kanë një përgjegjësi të veçantë për thellimin e reformave në fushën e arsimit dhe unë jam i bindur sikurse janë bërë shumë gjëra do të bëhen dhe në të ardhmen”.

Ndërkohë edhe Partia Socialiste ka uruar nxënësit për fillimin e vitit te ri shkollor. Sipas Shamkut PS do te jete gjithnjë ne krahë te arsimtareve.

Ledi Shamku: “Partia Socialiste është pranë të gjithë vocërrakëve që sot kanë marrë për herë të parë çantat e shkollës mbi shpinë. Partia Socialiste është sot me shpirt e zemër edhe tek të gjithë ata fëmijë që sot varfëria i pengoi të ulen në bankat e shkollës bri moshatarëve të tyre. Partia Socialiste është sot më shumë se kurrë në krah të atyre arsimtarëve që besuan, formësuan dhe mbështetën projektin tonë për një arsim të shekullit të ri dhe pikërisht për këtë besim dhe mbështetje sot gjenden të papunë për faj të një hakmarrje të klaneve tribale, që ende qeverisin këtë vend.”

Urime për ditën e pare te shkollës kane ardhur edhe nga Lëvizja Socialiste për Integrim.

Zv/sekretari i Përgjithshëm, Besian Pesha, deklaroi se një nga prioritet e LSI është dhe arsimi për katër vitet e ardhshme.

Besjan Pesha: “Në emër të Lëvizjes Socialiste për Integrim dua që t’ju uroj sot të gjithë të rinjve dhe të rejave shqiptarë që janë ulur sot në bankat e shkollës një vit sa më të mbarë shkollor. Dua të siguroj edhe njëherë të gjithë të rinjtë shqiptarë dhe familjet e tyre se gjatë këtij 4-vjeçari Lëvizja Socialiste për Integrim do të punojë me intensitet për të garantuar një proces mësimor sa më efektiv”./tvklan.al