Kryeministri grek Kyriakos Mitsotakis ka zbarkuar në ishullin e Santorinit që po përjeton aktivitetet sizmik prej disa ditësh.

Mitsotakis shoqërohet nga ministri i Mbrojtjes Civile dhe do të informohet në vend për aktivitetin sizmik në Detin Egje.

Kreu i qeverisë greke takoi fillimisht ekipin e zjarrfikësve të cilët po qëndrojnë në gatishmëri në rast të çdo situate.

Më pas, Mitsotakis do të shkojë në spitalin e ishullit si dhe do të takojë forcat e tjera të emergjencave.

Po kështu, do të ketë një takim edhe me ekspertët sizmiologë, të cilët po qëndrojnë në ishull prej disa ditësh duke ndjekur situatën me tërmetet.

Ndërkohë, sot është regjistruar edhe tërmeti më i fortë deri në këtë orë, me magnitudë 4.8, që ra rreth orës 09:30 me kohën lokale.

Nga 26 Janari deri më 4 Shkurt janë regjistruar më shumë se 7700 tërmete në zonën mes dy ishujve Santorini dhe Amorgos. /tvklan.al