Manjati mediatik, 93-vjeçari Rupert Murdoch është martuar për herë të pestë në një ceremoni në Kaliforni. Murdoch është martuar të shtunën me 67-vjeçaren Elena Zhukova, një biologe ruse në pension.

Murdoch dhe Zhukova thuhet se janë takuar në një festë të organizuar nga një prej ish-grave së tij, sipërmarrëses me origjinë kineze, Wendi Deng.

Ish-bashkëshortet e tjera të tij janë stjuardesa australiane Patricia Booker, gazetarja me origjinë skoceze Anna Mann dhe modelja dhe aktorja amerikane Jerry Hall.

Ndërkohë, Elena Zhukova ka qenë e martuar më parë me miliarderin rus të naftës Alexander Zhukov, ndërsa vajza e tyre Dasha, një biznesmene, ishte e martuar me oligarkun rus Roman Abramovich deri në vitin 2017.

Murdoch me origjinë australiane, i cili ka gjashtë fëmijë, është kryetar i News Corporation. Kjo kompani zotëron disa nga mediat më prestigjioze në botë si Fox News, Wall Street Journal, Sun dhe Times.

Vitin e kaluar, 93-vjeçari dha dorëheqjen si kryetar i Fox dhe News Corp, duke lënë djalin e tij Lachlan në krye të të dy kompanive./tvklan.al