Përfundimi i garës së X Factor Albania erdhi  në natën e dytë për Borana Xhemalin. Megjithëse votat e jurisë dhe publikut nuk i dhanë mundësinë të vijonte më tej, ish-konkurrentja thotë se fakti që ajo arriti deri në këtë pikë bën atë dhe gjithë të tjerët fitues.

Por në emisionin “Rudina” në Tv Klan Borana zbulon edhe një emër nga konkurrentët e tjerë që e sheh si fituesin e mundshëm të spektaklit  të talenteve.

Borana: Nëse do më pyesësh kë do vendosje ti fitues po të ishe…

Rudina Magjistari: Po pra, kë gjykon ti se do ishte…

Borana: Unë do thoja Alis dhe e kam mbështetur gjithmonë këtë ide dhe nuk e ndërroj mendjen time.

Rudina Magjistari: Do të presim ta shohim tani edhe më me vëmendje. Me cilin mentor është?

Borana: Me Arilenën.

Rudina Magjistari: Do ta shohim tani më me vëmendjen meqë ti e paske piketuar si fitues.

Borana: Shoh disa aspekte te ai, është ai autoriteti që ka në skenë, është fakti që është njeri me këmbë në tokë dhe unë e shoh edhe artistin më shumë si njeri, nuk shoh vetëm si artist, ka një zë fantastik, diapazon shumë të gjerë, mund të arrijë nota të larta e të ulëta./tvklan.al