Drejtoresha e Spitalit të Dibrës rreh përgjegjësin e financave të spitalit

Drejtoresha e Spitalit të Dibrës, I.Sh. 44 vjeçe, është përfshirë në një sherr fizik me përgjegjësin e financës së këtij spitali, Sh.U. 37 vjeç.

Sipas kallëzimit të këtij të fundit, ai u godit në fytyrë me send të fortë.

Ndërkohë, pas veprimeve hetimore të policisë, drejtoresha e spitalit është proceduar penalisht në gjendje të lirë për plagosje të lehtë me dashje.

Njoftimi i Policisë Dibër:

Me datë 11.02.2025, rreth orës 12.00, në Komisariatin e Policisë Dibër është paraqitur shtetasi Sh.U., 37 vjeç, banues në Peshkopi, (me detyrë Përgjegjës finance në Spitalin Rajonal Dibër) dhe ka kallzuar se në ambientet e spitalit pas një konflikti verbal, është goditur me një send të fortë në fytyrë nga shtetasja I.Sh., 44 vjeçe, banuese në Peshkopi, (me detyrë Drejtoreshë e Spitalit Rajonal Dibër).

Në përfundim të veprimeve të para hetimore, Specialistët për Hetimin e Krimeve të Komisariatit të Policisë Dibër referuan materialet në Prokurori ku nisi procedimi penal për shtetasen I.Sh., e dyshuar se ka kryer veprën penale “Plagosja e lehtë me dashje”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.