I ftuar në në rubrikën “Ka një mesazh për ty” tek E Diela Shqiptare” Arditi 25-vjeç me origjine nga Puka. Ai ka rrëfyer marrëdhënien e mrekullueshme që ka me motrën e tij të madhe Liliana dhe dashurinë e madhe që ndjen për të. Arditi ka treguar një moment kur shoku i tij Dj e ka parë të motrën në një dasmë dhe e ka pëlqyëer. Ai pranoi që të dy të njiheshin dhe krijoi mundësinë që shpesh herë të takoheshin me njëri-tjetrin. Tani ata të dy janë të martuar dhe të lumtur.

“Motra ime është një ndër mrekullitë më të mëdha që ka bota dhe do ketë. Vitin që kaloi në Shtator u martua dhe pothuajse çdo gjë ose çdo sekret që kemi patur i kemi shprehur dhe i kemi ditur. E vetmja mbështetje , i vetmi njeri që ka patur gjithmonë besim tek unë është motra.

Ne kishim një dasmë në vitin 2016 tek një kushëri dhe Dj i dasmës ishte shoku im që sot është bashkëshorti i motrës sime. Kur po bëheshin vallet po e shikonin njëri-tjetrin në sy dhe po më digjte diçka nga brenda, por s’i thoja dot gjë se kishte njerëz plot dhe e lashë. Në vallen e fundit u çuan dhe kërcyen dhe po e shtrëngonin njëri-tjetrin nga dora dhe i po i jepnin një buzëqeshje aq të ëmbël sa edhe vetë i kisha zili, por nuk doja ta pranoja.  Kur mbaruan vallet, e kapa dhe i thashë vëlla ke gjë me motrën time? Jo s’kam gjë tha, unë i thashë ajo është personi më i shtrenjtë i jetës sime dhe për të bëj shumë e shumë gjëra. Jo tha s’kam gjë.

Nëse ka diçka më trego që ta di e mos e marr vesh nga të tjerët. Vjen pas një jave dhe më thotë unë e pëlqej motrën tënde. Po më gërryente diçka përbrenda, por çfarë t’i thoja se dhe tek motra kisha shumë besim sepse është një njëri i mrekullueshëm.  I thashë të njihen, kur dilnin për kafe, i thoja bab po marr motrën edhe po dal në kafe. Babi më thoshte çfarë je duke bërë se nuk e ke marrë ndonjëherë motrën në kafe dhe ra disi në dyshime. Një muaj dy muaj unë si ushtar mbrapa dhe sot jam me fat dhe i lumtur që është martuar dhe është personi më me vlerë në këtë botë”, ka rrëfyer Arditi.  

Ditën e dasmës Arditi tregon se i ka bërë edhe një këngë ku e kanë pëlqyer dhe mbështetur të gjithë. Arditi ka ardhur në emision që të ftojë motrën e tij të vogël Alketën sepse marrëdhënia mes tyre është e ftohtë dhe shumë ndryshe nga marrëdhënia që ka patur me Lilianën. Madje Arditi ka treguar se ata nuk kanë bërë kurrë foto me njëri-tjetrin dhe puthjet apo përqafimet mes tyre janë shumë të rralla. 25-vjeçari i ka premtuar motrës 16 vjeç se do e dojë gjithmonë dhe marrëdhënia e tyre do jetë më e ngrohte. Vajza nuk e priste një surprizë të tillë nga vëllai dhe u përlot në studio. Në fund ata i dhanë puthje dhe përqafime njëri-tjetrit gjë që nuk ka ndodhur që kur ishte ditëlindja e fundit e Arditit. /tvklan.al

Ka një mesazh për ty – Fëmijeria e heshtur e Arditës! (31 Janar 2021)

E ftuar në rubrikën “Ka një mesazh për ty” tek “E Diela Shqiptare” ka qenë Ardita e cila ka rrëfyer historinë e saj të dhimbshme. Ajo ka treguar se ka lindur nga dy prindër shurdhmemecë dhe jetën e vështirë që ka kaluar.

Ardita: Historia ime ka filluar kur ka filluar historia e prindërve të mi. Të dy ata janë shurdhmemec, nuk flasin dhe nuk dëgjojnë. Kur kanë qenë në një moshë të vogël ata kanë kaluar një temperaturë. Babi ka qenë vetëm 6 muajsh, kurse mami ka qenë 8 vjeç. Ata rriten, babi bën një shkollë në Tiranë tek Gjuha e Shenjave. Rriten, arrijnë një moshë madhore dhe menduan që t’i martonin e të lindnin fëmijë që të linin gjurmë. Bëhet një shkesë, i fejojnë, i martojnë. Në fillim ka qenë çdo gjë mirë, jetonin me gjyshërit, por më mbrapa mami kërkonte që të jetonin të dy vetë burrë dhe grua. Gjyshi nuk ua prish, i vendos në një shtëpi në fshat dhe aty jetonin. Jo më shumë se disa muaj, mami ngel shtatzënë dhe lind një fëmijë, vajzë. Kur vajza bën 6 muaj, mami aksidentalisht gjatë natës i zë frymën duke i dhënë të pijë, në thonjëza e mbyt sepse ajo nuk dëgjonte.

Ardit Gjebrea: Ky ishte problemi se nuk dëgjonte të qarat e vajzës.  Kaloi një vit, në vitin 1992 mami ngelet sërish shtatzënë dhe këtë vit lind unë. Një hidhërim i tillë nuk humbet kurrë por u ndriçuan pak edhe gjyshërit edhe prindërit e mi për këtë gjë. Lind unë, por lindi dhe dilema sepse gjyshërit ishin të trembur, vendosën që mua të më marrin që tre ditëshe.

Ardit Gjebrea: Gjyshja me gjyshin?

Ardita: Po nga ana e babit. Shtëpia e tyre ishte pak në periferi të fshatit, kurse mami e babai jetonin në fshat. Më rritin, di që kam pirë shumë pak qumësht ato ditët e para, vinte mami ditë për ditë dhe ikte.  Fjalët e para që i them gjyshit dhe gjyshes janë mami dhe babi. Kur isha 4 vjeç gjyshi më thoshte është mami Moza dhe babi por unë asnjëherë nuk i pranoja. Më kujtohet që mami Mozën e largoja gjithmonë, i thosha ikë, nuk të dua. Ajo më thoshte që je e imja me shenja, unë i thoja jo nuk jam e jotja. Kur u rrita pak më shumë, e kuptoja që ata ishin prindërit e mi por prap mbaja qëndrimin tim, i hidhesha në krahë gjyshit dhe gjyshes, i thosha mami babi. Bile kur më pyesnin, unë thosha jam e Fadilit, për gjyshin. /tvklan.al