Përplasja e dy makinave pasditen e kësaj të hëne në Tiranë i kushtoi jetën 45-vjeçari. Ngjarja ndodhi rreth orës 18:50, në aksin rrugor Vorë-Rinas. Sipas policisë së kryeqytetit, viktima ishte shofer i një prej automjeteve që u përfshi në aksident.

“Më datë 23.12.2024, rreth orës 18:50, në aksin rrugor Vorë-Rinas, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A. Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, ka ndërruar jetë. Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të aksidentit”, tha policia e Tiranës në një njoftim për mediat./tvklan.al