#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.

Çimi Kazazi, shqiptari nga Librazhdi që shpëtoi gruan që po mbytej në Britani

Një histori që na kujton se aktet e guximit dhe humanizmit nuk njohin kufij. Këto pamje kanë bërë xhiron e mediave britanike, ku një shqiptar me origjinë nga Librazhdi, kryen një akt heroik duke shpëtuar një grua që rrezikonte mbytjen në Angli, në Leicester. Çimi Kazazi, shqiptari që prej vitesh jeton në Britani të Madhe, ku është pronar i një lokali, hyri në ujin e ftohtë për ta shpëtuar gruan e dëshpëruar. Mes ujërave të rrëmbyer dhe rrezikut të madh, ai vuri jetën e tij në rrezik për të shpëtuar një tjetër. Një akt për t’u duartrokitur.

Trump trazon botën/ Ç’po mendon të bëjë, si përkthehen deklaratat e tij?

“Ta bëjmë Amerikën të madhe sërish”, kjo është motoja e Presidentit të zgjedhur të SHBA, Donald Trump, i cili këto ditë ka tronditur me një sërë deklaratash. Na ndajnë vetëm 12 ditë nga dita e inaugurimit të Donald Trump si president i 47 i SHBA-së. Ai do të rikthehet në Zyrën Ovale për të dytën herë, por duket se kësaj here është shumë më i qartë dhe i vendosur se çfarë do të bëjë. Ç’po mendon të bëjë, si përkthehen deklaratat e tij. Se sot po vlon rrjeti me ato që ka thënë: Kanada, Panama, Groenlandë etj. Por jo vetëm, gjithashtu Mark Zuckerberg heq dorë nga idealet e tij të mëparshme dhe njofton ndërprerjen e sistemit të deritanishëm të verifikimit të fakteve në FB dhe Instagram. Çfarë po ndodh, do t’i komentojmë sot në studio…

Ngjarja tragjike në Genova të Italisë – raporton gazetarja Alba Kepi

Një ngjarje e rëndë ka ndodhur në Genova të Italisë, ku dy motra me origjinë shqiptare janë hedhur nga një pallat. Një 31-vjeçare humbi jetën nga plagët e marra, ndërsa e motra, 34 vjeçe ndodhet në në gjendje të rëndë. Një ngjarje që ka tronditur Italinë, ne do të mësojmë më shumë nëpërmjet lidhjes live me gazetaren Alba Kepi…