Trendet e modës këtë vit vijnë si “reflektim” i 2024-ës! Edhe pse nuk mund të parashikojmë çfarë do vishet më së shumti 12 muajt e ardhshëm, disa indicie janë dhënë nga stilistët e njohur.
“Sea La Vie”
Përgatituni për një “zhytje” në ngjyrat e detit. Që nga siluetat elegante si ‘sirenë’ e deri te teminat që do i japin një tjetër dimension verës. Marka ‘Miu Miu” ka në plan të sjellë rrobat e banjove më sexy ndonjëherë! Nuk do mungojnë as vijat bardh e zi në bluzat verore, që kombinohen në mënyrë perfekte me një palë xhinse blu dhe ‘balerinat’ e famshme.
Thjeshtësi dhe komoditet!
“Balenciaga”, “Bottega Veneta”, “Saint Laurent” apo “Prada” do vijnë fuqishëm me ‘copat e buta’ që definojnë format e trupit. Nuk ka vend për t’u ndjerë jo rehat me rrobat në trup. Pra, një pardesy e thjeshtë, një fustan njëngjyrësh apo një palë këpucë klasike. Trendi që nuk i ikën kurrë lezeti!
“Boho”
Rikthehet stili me nuanca romantike e tejet femërore. Freski dhe elegancë, gjithçka do na nevojitet gjatë muajve përvëlues.
“Minimalist, por domethënës”
Në përgjigje të ‘veshjeve të luksit’ apo dizenjove “clean girl aesthetic” vjen ky lloj trendi. Në veshjet e thjeshta e funksionale do luhet me detajet, që do bëjnë gjithë diferencën. Qëndrojmë tek ngjyrat pastel dhe pak nuancë të ngjyrës gri.
“Stil zyre, më rebel!”
Këtë vit do shohim veshjet krejtësisht formale me një prekje “rocku”e pak sport!
Zgjedhje e guximshme, por që tregon edhe njëherë se moda nuk njeh kode ose rregulla.
Ecim me pak asimetri!
Veshjet sportive për në palestër, vrap apo joga do kenë pak ndryshim. Ngjyrat e buta do ‘derdhen’ në copa asimetrike.
Për ata që shpesh ndjejnë melankoli për fëmijërinë.
Nostalgjia, ndjenjë që përkthehet me stil. Do dominojë edhe në 2025-ën njësoj si në vitin që lamë pas.
Do shohim sandalet e sheshta, bluzat me jakë e ngjyra të forta e deri te aksesorët kaq të lezetshëm për çantën.
/tvklan.al
