Euro 2024 
Një punonjëse supermarketi ka mbetur e plagosur rëndë mbrëmjen e sotme në Kamëz, në një tentativë grabitjeje.
Ngjarja ndodhi rreth orës 22:00, kur një person i armatosur me kallshnikov u fut në një supermarket, në Bulevardin Blu dhe nën kërcënimin e armës kërkoi të merrte paratë nga kasa.
Në këtë moment, punonjësja I.Dushku, 19– vjeç, e cila nuk ka kuptuar rrethanën është afruar pranë kasës. Kjo ka qenë fatale për të renë, pasi grabitësi ka nisur të qëllojë dhe plumbat kanë plagosur në këmbë 19 – vjeçaren.
Në tentativë për t’u larguar nga marketi, agresori ka qëlluar sërish mbi punonjësen.
Foto nga vendgjarja
Ajo është dërguar menjëherë drejt spitalit dhe fatmirësisht ndodhet jashtë rrezikut për jetën.
Aktualisht në vendin e ngjarjes ndodhen forca të shumta policore, Forcat e Ndërhyrjes së Shpejtë dhe ato RENEA, të cilët kanë rrethuar të gjithë perimetrin e zonës dhe po punojnë për identifikimin dhe kapjen e autorit.
Kontrolle po bëhen kryesisht nga pjesa e pasme e pallatit ku ndodhet marketi, nga ku dyshohet se është larguar autori./tvklan.al
10:38 Njoftimi paraprak i policisë:
Më datë 16.06.2016, rreth orës 21:55, në qëndër Kamëz tek Big Market ka patur të shtëna me armë zjarri. Dyshohet se shtetasja I.D, 19 – vjeçe të jetë plagosur në këmbë jashtë rrezikut për jetën.
Në vendngjarje kanë shkuar shërbimet e Komisariartit të Policisë Nr.5 dhe shërbimet “Shqiponja” dhe po ndjekin veprimet.
