Irma Toptani: “Ora shënon 17:30, jemi këtu në dy qendrat e votimit 1974, 1975 të vendosura në shkollën 7 Marsi, që i përket njësisë bashkiake numër 9. Sipas komisionerëve të dy qendrave të votimit këtu procesi zgjedhor ka qenë më se i qetë dhe kanë votuar rreth 50% e të gjithë zgjedhësve të kësaj zone.”

Irma Toptani: “Si ka qenë procesi zgjedhor sot?”

Komisioner: “Procesi zgjedhor ka shkuar normalisht sipas gjithë ligjeve dhe mbi të gjitha ka mbizotëruar mirëkuptimi midis dy palëve.”

Irma Toptani: “Ka pasur shumë fluks zgjedhësish? Sa kanë votuar në këtë zonë?”

Komisioner: “Sipas numrit të votuesve deri tani është një gjendje më e mirë se në votimet e tjera e përparshme.”

Irma Toptani: “Një përqindje mund të na e jepni?”

Komisioner: “Po them se afër po shkon drejt 50%.”

Irma Toptani: “Sa zgjedhës ka kjo zonë?”

Komisioner: “Ka 1246 zgjedhës në total.”

Irma Toptani: “Është ora 18:15 jemi këtu në dy qendrat e votimit 1910, 1911 të vendosura pranë fakultetit së Inxhinierisë së Ndërtimit, që i përket njësisë bashkiake numër 7. Sikundër edhe në qendrat e tjera të votimit në Tiranë edhe këtu procesi zgjedhor ka qenë mëse i qetë madje flitet për një fluks zgjedhësish. Rreth 50% të zgjedhësve kanë votuar në këto dy qendra votimi.”

Irma Toptani: “Si ka shkuar votimi?”

Komisioner: “Deri tani votimi ka shkuar në mënyrën më të mirë, më të qetë. Votuesit kanë qenë të qetë, pa probleme. Ka qenë një konsensus, një marrëveshje me të gjithë. Asnjë shqetësim, asnjë mungesë me lëndët materiale, asgjë.”

Irma Toptani: “Mund ta përcaktoni ju një përqindje të votuesve në këto zgjedhje?”

Komisioner: “Po deri në këto momente rreth 505 të paktën të kësaj qendre votimi.”

Irma Toptani: “Sa zgjedhës ka kjo qendër votimi, ka kjo zonë?”

Komisioner: “Kjo qendër votimi ka 1417 dhe deri tani kanë votuar pothuajse 700 zgjedhës.”

Komisioner: “Shumë i rregullt, konform kodit zgjedhor.”

Irma Toptani: “Ka pasur shumë zgjedhës që kanë votuar, mund të kemi një përqindje?”

Komisioner: “Këtë e kemi kaluar nga 50 % jemi domethënë duke ecur përpara.”

Irma Toptani: “Sa zgjedhës ka kjo qendër votimi?”

Komisioner: “Kjo ka 1256 zgjedhës, kanë votuar mbi 600.”/tvklan.al

Gazetar: Irma Toptani