Skenë e madhe, tifozë, emrat më të njohur të futbollit…. Këto e plot supriza të tjera na presin për 31 ditë me radhë në Tv Klan. Moderatorja Marina Vjollca e thotë me siguri se ky spektakël sportiv që do shoqërojë Euro2024, do jetë i paimagjinueshëm!

Pjesë e tij do bëhen figura të njohura të sportit dhe jo vetëm.

“Ne jemi duke folur, kemi një listë të gjerë të të ftuarve. Ka dhe njerëz që thonë “të lutem më fto dhe mua”. Kështu që do jenë të gjithë”, u shpreh Vjollca në një intervistë për gazetarin Besard Jacaj.

Por si do bëhet pjesë aktive e spektalit, publiku?

Marina Vjollca: Të gjithë ata që kanë dëshirë që ta shohin nga afër spektaklin, mund të vijnë në studio e Tv Klan dhe të bëjnë aplikimin, ose në rrjetet sociale në të gjitha adresat. Të bëhen pjesë e tifozëve tanë! Bëj thirrje që kushdo që ka dëshirë, për 31 ditë. Janë të gjithë të mirëpritur!

“Do jetë një skenë që i shkon përshtat formatit”, theksoi moderatorja.

Ajo u shpreh optimiste për Kombëtaren kuqezi, pavarësisht përballjeve të forta në kampionatin evropian. Çdo mbrëmje, nga 14 Qershori në Tv Klan do transmetohet Live spektakli i sportit./tvklan.al