Xhoni dhe Kleona kanë zhvilluar takimin e tyre të mbushur plot me emocione. Konkurrentja e “Love Story” që njihet si një vajzë që nuk e shfaq dhe aq shumë veten, duket se është ndjerë mjaft mirë me Xhonin, të cilit i ka rrëfyer me lot në sy historinë e trishtë të humbjes nga jeta të të atit. Ka qenë ky rrëfim që ka bërë që edhe Xhoni të hapë zemrën dhe të tregojë çastin e vështirë kur ka marrë vesh që babai i tij ishte ndarë nga jeta.

Xhoni: Tani më trego ndonjë gjë për veten sepse nuk kam marrë vesh kush je akoma.

Kleona: Unë jam Kleona, 23 vjeç nga Tirana.

Xhoni: Kleona është vetëm emër.

Kleona: Në fakt unë nuk kam treguar pothuajse asgjë përveç talenteve dhe dëshirave që kam. Parapëlqej që njerëzit të njohin Kleonën gallatë sepse më pëlqen shumë që t’i bëj njerëzit për të qeshur.

Xhoni: Në fakt dhe unë ashtu jam, por ti je super ekstroverte.

Kleona: Epo, jam tani çfarë të bëj. Unë nuk dukem, por në fakt jam një vajzë shumë e brishtë, por nuk dukem. Kam nevojë për shumë përkujdesje, dashuri, ëmbëlsi dhe nëse m’i fal këto dhe unë ndihem e sigurtë tek ty, mund të të shpreh çdo gjë, siç kemi një shprehje ne shqiptarët, mund të të hap zorrët e barkut. Që në takimin e parë më ka ardhur shumë inat se më ke paragjykuar si çdo lloj njeriu tjetër që më takon për herë të parë.

Xhoni: Ke të drejtë, e pranoj.

Kleona: Ti më thua ke të drejtë, por edhe unë e pranoj sepse të thashë, kjo është dhe mënyra ime që dua t’i shfaqem njerëzve.

Xhoni: Dhe unë kur të kam takuar në fillim, kam thënë: Unë me këtë, asnjëherë në botë!

Kleona: Ashtu kam thënë dhe unë për ty!

Xhoni: Po pse ndryshove mendim?

Kleona: Sepse duke ndenjur me ty në backstage duke treguar më shumë veten, kuptova se të dy ishim nxituar në gjërat që kishim thënë për njëri-tjetrin.

Xhoni: Je si mace e vogël dhe deri tani po ju tregon të gjithëve vetëm tigrin.

Kleona: Unë para disa vitesh kam humbur babain dhe kur e humba, shoqëria ime më e ngushtë e ka marrë vesh pas një muaji, sepse një shoqe në lagjen time jua tha dhe unë nuk doja të merrej vesh fare kjo gjë. Gjithçka e kam kaluar vetë. Më shumë që më ka vrarë ishte mënyra si ai vdiq dhe unë e pres dhe e di se të gjithë kanë ciklin e vet të jetës, por është shumë e vështirë kur në një moment që nuk e pret fare, babai të pret ty për të vdekur dhe më ka pritur mua që të shkoj që ai të vdesë dhe këtë e kam përjetuar shumë keq. Nuk dija çfarë bëja, jam bërë agresive se nuk e kuptoja se kishte vdekur. Telefonata e tij që më tha: Klea hajde dhe unë shkoj dhe më pas ai vdes… (qan)

Xhoni: Edhe unë e kam humbur babain dhe e di shumë mirë se çfarë do të thotë…

Kleona: Është shumë e vështirë kur ndodh papritur. Prandaj mërzitem kur njerëzit mendojnë se unë jam tralala, sikur unë jam shumë okey.

Xhoni: Unë e di se nuk është ashtu.

Kleona: Në shoqërinë time je i pari që e mendon kështu.

Xhoni: Ti duhet të kuptosh se kjo është ajo që duhet të tregojë Kleona.

Kleona: Jo të gjithë e meritojnë këtë Kleonë.

Xhoni: Të kuptoj shumë mirë. A e di sa e bukur je kur qan? Ti e mbron veten me shaka, më shumë bën shaka me tjerët se të mos arrijë dikush të të pyesë diçka që të të prekë.

Kleona: Qenke më shumë i zgjuar se mendoja.

Xhoni: Dhe unë kam një teze, tezja e mamit dhe ajo më ka ardhur kur kam qenë vetëm tek shtëpia dhe kur i rashë ziles dhe më tha se vdiq babai yt, unë në atë moment jam ndarë 4 vjet nga Zoti. Të gjithë i kam gënjyer, jo vetëm Zotin, e kam marrë jetën për keq dhe kam kaluar në një mërzitje që nuk e kam kuptuar fare. Nuk e di pse po flas për këtë sepse zakonisht as unë nuk flas për këtë gjë. Jam pak pa fjalë./tvklan.al