Shumica e armëve të paligjshme drejt Evropës se Bashkuar ende e kanë origjinën nga Ballkani Perëndimor. Sipas një raporti të ri nga Iniciativa Globale kundër Krimit të Organizuar vihet re një rritje e çmimeve në tregjet e zeza lokale për shkaqe të ndryshme që nga tensionet politike në Bosnje dhe Hercegovinë, mungesa e furnizimeve në Mal të Zi e deri te inflacioni i çmimeve të ushqimeve dhe energjisë në Serbi.

Më të përfaqësuara janë pistoletat dhe revolverët e prodhuara gjatë RSFJ-së në uzinat ne Kragujevc dhe Zastava. Burimi i dytë më i rëndësishëm për furnizimin e europianeve me armë ilegale është Shqipëria. Rreth 60% e armëve të vjedhura nga magazinat ushtarake të vendit në vitin 1997 janë ende në duart e populates civile. Burimi i tretë janë imitimet e armëve të avancuara perendimore të prodhuara në Kroaci.

Çmimet e armëve në tregun e zi në Ballkanin Perëndimor janë përgjithësisht më të ulëta se në Ukrainë, me përjashtim të granatave të dorës.

Mesatarisht, çmimet e armëve ilegale në Bosnje dhe Hercegovinë janë rritur me rreth 50 euro. Pistoletat e kalibrit të vogël, të cilat dy vite më parë mund të bliheshin për 175 euro, tani kushtojnë të paktën 200 euro.

Një Zastava M70, në varësi të gjendjes, kushton nga 150 deri në 700 euro, ndërsa çmimet e granatave të dorës variojnë nga 10 deri në 50 euro.

Rruga kryesore tokësore e rajonit për kontrabandën e armëve ndodhet përgjatë Serbisë, Kroacisë, Sllovenisë, Austrisë, Hungarisë dhe Sllovakisë. Rruga detare për në Itali e ka origjinën nga Kroacia, Mali i Zi dhe Shqipëria.

Po ashtu eksiston edhe një rrugë hibride midis Shqipërisë, Maqedonisë së Veriut dhe Greqisë. Armët nga Turqia gjithashtu kalojnë nëpër rajon, dhe pika kryesore e hyrjes është Bullgaria.

Ka dallime të rëndësishme në çmimet brenda Ballkani Perëndimor; AK-47 në Shqipëri kanë historikisht ishte më e lirë se në vendet e tjera të Ballkanit Perëndimor, ndërkohë pushkë gjysmë automatike 250–300, Pushkë automatike 250–700, Pushkë snajper 200–2 000, C4 eksploziv plastik (për kg) 1 400–4 000.

Klan News