Federata e Futbollit do të organizojë këtë të hënë edicionin e tretë të mbrëmjes Gala “Topi i Artë 2024”. Spektakli më i madh i futbollit shqiptar do të mbahet në Teatrin e Operas dhe Baletit dhe do të jetë një mbrëmje feste, e gjitha për t’u shijuar nga të pranishmit në sallë dhe ndjekësit nga televizioni.

Ky spektakël do të transmetohet live në TV Klan duke nisur nga ora 20:00, teksa që prej orës 19:30 të gjithë shikuesit do të ndjekin live në Klan News hyrjen e personaliteteve të futbollit dhe jo vetëm teksa kalojnë në tapetin e kuq.

Spektakli do t’i kushtohet arritjeve të futbollit shqiptar dhe suksesit të ekipit kombëtar në finalet e Europianit “Gjermani 2024”. Do të jepen 9 çmime përgjatë kësaj mbrëmje, teksa nuk do të mungojnë as surprizat qe do ta bëjnë mbrëmjen të paharruar.

Mbrëmja Gala “Topi i Artë 2024” do të prezantohet nga moderatori dhe kantautori shumë i njohur dhe i dashur për shqiptarët Ardit Gjebrea si edhe nga modelja e njohur shqiptare, Almeda Abazi.

TË NOMINUARIT PËR TË GJITHA KATEGORITË JANË:

TOPI I ARTË 2024 DJEM: BEKIM BALAJ, ARINALDO RRAPAJ, ALBANO ALEKSI, ERMIR RASHICA

TOPI I ARTË 2024 VAJZA: EZMIRALDA FRANJA, XHESIKA NDOJ, MESUARE BEGALLO, VANESA LEVENDI

TRAJNERI I VITIT 2024: EDLIR TETOVA, ORGES SHEHI, IVAN GVOZDENOVIC, ILIR DAJA

Klan News