Mbrëmja e sotme e “X Factor Albania” në Tv Klan kishte rezervuar emocione të shumta dhe performanca spektakolare nga artistët të cilët synojnë të arrijnë në finale dhe të bëhen fitues të këtij talent show.

Në skenë u ngjitën 14 artistë, por formula përcakton një largim në fund të çdo nate. Duke qenë se dy javët e mëpashme nuk ka pasur një asnjë eliminim, sot u larguan dy prej konkurrentëve.

 “Blu Eyes” nga grupi i djemve i Young Zerkës dhe Amarildo nga grupi i Soni Malajt ndërprenë garën në “X Factor Albania”.

“Na vjen shumë keq që do të humbasin dy konkurrentë sonte. Keni qenë fantastikë dhe faleminderit shumë për emocionet që keni përcjellë”, tha Alketa Vejsiu teksa njoftoi largimin e tyre./tvklan.al