Iku Ronaldo, por Real Madrid nuk dëshpërohet. Në konferencën për shtyp të dhënë gjatë turneut të Internacional Champions Cup, trajneri Julen Lopetegui u pyet për boshllëkun që ka lënë portugezi. Tekniku e vlerësoi këtë lëvizje me ftohtësi.

“Ronaldo është një nga lojtarët më të rëndësishëm në historinë e kohëve të fundit të Real Madridit. Ai shprehu dëshirën për tu larguar dhe klubi ia lehtësoi procesin. Sa i përket Bale, jam i bindur se do të bëjë shumë këtë vit. Është një lojtar i jashtëzakonshëm dhe do të na japë versionin më të mirë të tijin. Do të mbështetemi tek ai”.

Në këtë mënyrë Julen Lopetegui ka zgjedhur liderin e ri të skuadrës, të paktën deri tani para se të nisë sezoni. Më pas, do të jetë fusha që do ta tregojë nëse Cristiano Ronaldo është apo jo i zëvendësueshëm.

Tv Klan