Lajme, #edicioniinformativ ora 19:30 data 6 Dhjetor 2024 #TvKlan #klanlajme

Spiker: Drini Zeqo

Headlines 6 Dhjetor 2024

KQZ ndan mandatet për zgjedhjet e vitit 2025. Tiranës i shtohet një deputet, e humbet Korça

Komisioni Qendror i Zgjedhjeve harton vendimin për ndarjen e mandateve për zgjedhjet e 11 majit të vitit të ardhshëm. Tirana do të ketë 37 deputete, pasi i shtohet një mandat, i cili i hiqet Korçës, si pasoje e uljes se numrit të popullsisë.

SPAK, kontroll në shtëpinë e Erion Veliajt. Kryebashkiaku ndodhet për vizitë në Hamburg

Me urdher të SPAK, agjentet e Byrose Kombetare të Hetimit kryen nje kontroll ne shtepine e kryetarit te Bashkise se Tiranes, Erion Veliaj. SPAK nuk jep detaje, ndërsa Bashkia thotë se kryebashkiaku ndodhej në vizitë zyrtare në Hamburg.

Zbardhet nisma e PS për faljen e gjobave. Berisha: Do të falim të gjitha gjobat për ujin e dritat

Projektligji i mazhorances për faljen e gjobave parashikon anulimin e tyre për ndërtimet në zonat rurale dhe ato për covid-19. Berisha thote se me ardhjen ne pushtet, demokratet do të falin të gjitha gjobat per ujin, energjinë dhe ndertimet pa leje.

Mbi 11 milionë vizitorë të huaj në 11 muaj. Kumbaro: Duhen turistët që shpenzojnë më shumë

Tjeter rekord për turizmin. Mbi 11 milione të huaj e vizituan Shqiperine nga janari ne nentor, nje rritje afro 16 per qind me shume se e njejta periudhe e një viti më parë. Ministrja Kumbaro thotë se nevojiten turiste që shpenzojnë më shumë.

Anulohen zgjedhjet Nerumani. Gjykata Kushtetuese: Rusët u përfshinë në fushatë

Gjykata Kushtetuese në Rumani anuloi zgjedhjet presidenciale, ku pritej fitorja e pro-rusit Kalin Xhorxhesku. Vendimi erdhi pasi shërbimet sekrete zbuluan se Rusia kishte kryer fshehurazi fushata në Tiktok e Telegram në mbështetje të tij.

Gjysmëfinalja e dytë e Këngës Magjike. Në skenë, 15 këngëtarë “Big” dhe 9  të rinj

Mbylli mbrëme siparin gjysmëfinalja e dytë e Këngës Magjike, e cila u transmetua drejpërdrejtë në ekranin e Tv Klan. Në skenë u ngjiten 15 këngëtarë “Big” dhe 9 të rinj, të cilët garojnë për finalen e madhe që do të mbahet nësër.

Nuk ka fitues në finalen e botërorit të shahut. Ding e Gukesh ndahen në barazim pas 9 sfidash

Botërori i shahut shënon një rekord të pazakontë. Finalja kampionatit u mbyll sërish pa fitues, pasi 18 -vjeçari indian, Gukesh dhe kampioni në fuqi, kinezi Ding, u ndanë për të nëntën herë në barazim