#Opinion | Emision politik live nga #BlendiFevziu në #tvklan

Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma.

Mbrëmjen e kësaj të mërkure emisioni “Opinion” në Tv Klan “zhvendoset” në Kalabri. Një udhëtim në arbëreshët e Italisë. Bëhet fjalë për udhëtimin e Presidentit të Republikës Bajram Begaj në zonën e Kalabrisë. Shumë Presidentë të mëparshëm të Shqipërisë që prej vitit 1992 udhëtuan në të gjitha pikat ku arbëreshët e Kalabrisë jetojnë. Ky udhëtim konsiderohet një nga më emocionuesit, pasi arbëreshët ruajnë sot, 600 vjet më pas, zakonet, traditat dhe gjuhën. Dhe janë ndoshta ndër komunitet që kanë kontribuar më shumë në ringjalljen e ndërgjegjes dhe Rilindjes Kombëtare të shqiptarëve. Rilindja Kombëtare Shqiptare ka rrënjët e saj pikërisht në rolin e De Radës dhe shumë arbëreshëve të tjerë. Emisioni “Opinion” duke ndjekur nga afër udhëtimin e Presidentit Begaj, fokusohet kryesisht në 4 vendbanimet arbëreshe shumë të njohura” Shën Mitër Korone, Macchia Albanese, Pallagorio dhe Carfizzi.