SPAK thotë se deputetit socialist, Plarent Ndreca, në kohën kur mbante detyrën e Sekretarit të Përgjithshëm në Ministrinë e Brendshme, shkeli ligjin për prokurorimet për të favorizuar biznesmenin Gjon Radovani.

Bashkë me Ndrecën, të pandehur në këtë dosje, hetimet e të cilës nisën që në 2021, u morën edhe 16 persona të tjerë.

“Nga provat e mbledhura, rezulton se një grup zyrtarësh të udhëhequr ex officio nga Plarent Ndreca, ish-Sekretar i Përgjithshëm i Ministrisë së Brendshme, i cili ka qënë Titullari i Autoritetit Kontraktor kanë kryer shkelje ligjore në fazat e tenderit për të shpallur fitues shtetasin Gjon Radovani, pavarësisht mospërmbushjes së kritereve ligjore nga ky i fundit.”

SPAk thotë se anëtarët e njësisë së prokurimit, ata të Komisionit të Vlerësimit të Ofertave, kanë ndërmarrë veprime të qëllimshme për të devijuar procedurat ligjore të prokurimit, si dhe anëtarët e shqyrtimit të ankesave kanë kontribuar në devijimin e procedurave ligjore.

Ndërkohë hetimet treguan se komisioni për marrjen në dorëzim të projektit, nënshkroi procesverbale të rreme për të justifikuar dorëzimin e projektit, ndërkohë që projekti përfundimtar nuk ishte realizuar.

Nga këto veprime të paligjshme për tendering për rikonstruksionin e disa komisariateve në vend, Prokuroria thotë se i është shkaktuar shtetit një dëm prej 34.2 milionë Lekë.

Personat nën hetim:

Ish-Sekretar i Përgjithshëm i Ministrisë së Brendshme

Plarent Ndreca

Anëtarë të njësisë së prokurimit

Denisa Skënderaj

Lira Kolasi

Blendi Kovi

Anëtarët e Komisionit të Vlerësimit të Ofertave

Lindita Mukaj

Ferdinant Tarazhi

Silva Dauti

Grida Isufi

Deni Klosi

Jonarda Qurku

Anëtarja e Komisionit të Shqyrtimit të Ankesave

Julia Hysa

Anëtarët e komisionit për marrjen në dorëzim të projektit

Emiliano Mehmeti

Klejdi Meço

Erand Rrobaçi 

Zyrtarët e tjerë

Elora Kokalari

Aida Shehi

Tv Klan