Teksa Donald Trump bëri betimin e tij të dytë si President i Shteteve të Bashkuara, artisti i njohur Avni Delvina në Tiranë, shfrytëzoi të njëjtën datë për të çelur ekspozitën më të fundit kushtuar figurës së Trump të titulluar “Triumf”, ashtu siç ishte kjo fitore për presidentin e 47-të të SHBA-së. 

Grafikat e Delvinës nuk lënë vend për keqinterpretim, rrëfejnë në mënyrë të drejtpërdrejtë që artisti, është mbështetës i politikave të Trump.

Përpos presidentit që premton ta bëjë Amerikën madhështore sërish, në artin politik të Delvinës nuk mungojnë kundërshtarët politikë të Trump që nga demokratët që sot dorëzuan stafetën, pa kursyer liderët europianë që nuk e mbështetën gjatë garës elektorale.

Përmes ngjarjeve dhe figurave të tjera të njohura aktuale dhe historike, artisti zgjedh që të përçojë besimin, ironinë, dhe unin e tij artistik.

Piktori Delvina, një përurim të veçantë e mori nga Sebastian Gorka, që Donald Trump në drejtimin e ri i besoi sigurinë kombëtare në luftën kundër terrorizmit. 

Ekspozita triumf do të qëndrojë e hapur në Piramidën e Tiranës deri më 26 Janar.

Tv Klan