Lajme Arkiva – TV Klan 2003

Një aksident i rëndë automobilistik ka ndodhur në aksin rrugor Fier-Seman, në afërsi të fshatit Ferma e Çlirimit, 5 km larg qytetit të Fierit. Ngjarja ka ndodhur në afërsi të fshatit Qenas në orët e para të mëngjesit të ditës së sotme.

Ndrek Lula rreth të 50-tave, ka qenë duke udhëtuar së bashku me gruan e tij Yllka Lula, për të shpërndarë sido mëngjes qumështin tek klientët e tyre në qytetin e Fierit. Por një mjet i paidentifikuar që vinte në drejtim të Fierit i ka qëlluar çiftin që qëndronte në motoçikletë dhe është larguar nga vendngjarja.

Zhurma dhe britmat e të dëmtuarve janë dëgjuar dhe nga një familje e cila kishte shtëpinë afër rrugës dhe që ka qenë e para që ka dhënë ndihmën të dëmtuarve. Të plagosurit janë nisur me urgjencë në spitalin e Fierit, por mësohet se drejtuesi i motoçikletës ka gjetur vdekjen e menjëhershme, ndërsa bashkëshortja e tij ndodhet në gjendje të rëndë në sallën e reanimacionit nën kujdesin e mjekëve.

Policia ka nisur hetimin për të zbuluar se cili ka qenë drejtuesi i mjetit që ka bërë aksidentin./tvklan.al