Pas mbledhjes së grupit parlamentar të PD-së, Gazment Bardhi ka zhvilluar një konferencë për mediat. Gjatë fjalës së tij, kreut i grupit demokrat Bardhi thotë se sipas tij, Kryeministri Rama është sulmuesi më i madh i institucioneve të drejtësisë.

Më tej, Gazment Bardhi ka akuzuar Partinë Socialiste se po tenton të bëhet mburojë për Olta Xhaçkën, duke mos ia lënë në dorë vendimin Gjykatës Kushtetuese për mandatin e saj teksa ka uruar që deputetja të dalë para drejtësisë.

Gazment Bardhi: Ka bërë që nga i vetëshpallur si njeriu që mbështeste në mënyrë të rremë institucionet e drejtësisë në sulmuesin më të madh të këtyre institucioneve. Pas disa ditësh heshtje, në mënyrë mafioze i dha mesazhin SPAK se çfarë duhet të bënte me hetimet ndaj vëllait të tij në dyshimet e përfshirjes në grupin kriminal në Xibrakë, presion apo intimidim që nuk do të duhet të merret në konsideratë nga drejtësia që ka për drejtë të provojë se nuk nënshtrohet dhe as intimidohet kur bëhet fjalë për njerëzit e njeriut më të pushtetshëm në vend që është kryeministri.

Për llogari të Edi Ramës, njeriut që ka firmosur investimin strategjik për ministren e tij dhe për bashkëshortin e saj, sulmuan hapur anëtarët e Gjykatës Kushtetuese dhe duke zhbërë në këtë formë sistemin demokratik që vendimmarrja e Kuvendit, kontrollohet vetëm nga Gjykata Kushtetuese. Qytetarët ishin dëshmitarë se si në mënyrë të strukturuar, kolegët në Konferencën e Kryetarëve sulmuan vendimmarrjen e Gjykatës Kushtetuese që detyron kuvendin për shtjellim për mandatin e Xhaçkës. Skenari, akti final i daljes zbuluar të kryeministrit që sa herë nuk i pëlqejnë vendimet e drejtësisë që prekin interesat e tij, i gatshëm të mos i zbatojë vendimet e institucioneve të drejtësisë.

Apel cilitdo që ka mbështetur zbatimin e Reformës në Drejtësi që të reagojë sot sepse praktika do të ishte e rrezikshme që hedh në erë parimet e shtetit ligjor. Rama do të mbrojë vetën dhe përmes vetes, edhe Olta Xhaçkën. Nëse zbatimi i vendimeve gjyqësore është në dorë të qytetarëve që preken nga këto vendime, çdo qytetar në të njëjtën linjë, ngre flamurin e bardhë dhe thotë që nuk zbaton vendimet e gjykatave. Do të ishte precedent i rrezikshëm. Uroj që deri të enjten mazhoranca të reflektojë, të tërhiqet nga porosia dhe të dorëzojë para drejtësisë fillimisht Xhaçkën dhe më pas të gjithë zytarët që janë përgjegjës për shkeljen e ligjit dhe që kanë justifikuar një vendim të kundraligjshëm të grabitjes së pronave publike në bregdet.

Parlamenti në seancën e ditës së enjte do të vendosë nëse fati i mandatit të ish-ministres së Punëve të Jashtme, Olta Xhaçka do të duhet të shqyrtohet nga Gjykata Kushtetuese ose jo.

Shumica e ka rrëzuar 2 vite më parë si të pabazuar mocioni e opozitës për papajtueshmëri të mandatit të deputetes Olta Xhaçkës. Ndaj përfaqësuesit socialistë në Këshill e cilësuan vendimin e Kushtetueses si jo të drejtë, pasi sipas tyre, u dikton ligjvënësve vendimmarrjen. Por për opozitën kjo është goditje e drejtësisë dhe shtetit ligjor.

Sipas opozitës, Olta Xhaçka ishte në konflikt interesi pasi kabineti qeveritar ku ajo bënte pjesë kishte miratuar vendimin për shpalljen e bashkëshortit të saj si investitor strategjik./tvklan.al