Titujt kryesorë, 08 Mars ora 19:30

Pajtim me Serbinë, Thaçi fton Tadiç të vizitojë Kosovën

Hashim Thaçi fton presidentin serb në takim në Prishtinë. Ftesa ngjan me një sfidë, po a do të ishte i mundur ky takim? Thaçi e sheh bashkëpunimin mes dy vendeve si ndikim në të mirën e rajonit.

8 Marsi, Papa: Nënë Tereza, shqiptarja shembullore e bujarisë

Sot mbarë bota feston 8 Marsin, ditën dedikuar përpjekejeve shekullore të grave për më shumë të drejta dhe barazi. Në Vatikan Papa Benedikti XVI vlerëson lartë figurën e Nënë Terezës.

Goditje trafikantëve, kapen 500 kg marijuanë dhe 2.6 kokainë

500 kg marijuanë dhe 2.6 kg kokainë janë sekuestruar nga Policia e Shtetit në dy operacione të ndryshme antidrogë në Lazarat e Tiranë. Në pranga përfundojnë tre persona.

Surpriza e dashuri të reja në “Më shumë dashuri”

Ka sjellë sërish emocione të forta dhe ngjarje origjinale emisioni i së shtunës, “Më shumë dashuri”. Nga mesazhet prekëse të katër historive të ndryshme, pjesët më pikante të të cilave do t’jua përcjellim në vijim të këtij edicioni informativ.

“Histori me zhurmues” rrëfen vitin e vdekjes së Stalinit

“Histori me zhurmues” sjell sonte vitin ’53, kur blloku komunist do të tronditej nga vdekja e Stalinit, por ç’ndodhte në Shqipëri asokohe? Në lajme do të zbulojmë disa nga sekretet e mbrëmjes.

Edicioni i lajmeve Tv Klan  – 08 Mars 2009, ora 19:30 – Spikere: Sonila Meço