Egnatia dhe Vllaznia përballen mes tyre këtë të shtunë, në ndeshjen e vlefshme për javën e 13-të.

Dy ekipet shihen si pretendente për titullin kampion dhe luhet vetëm për fitore. Në prag të këtij takimi, trajneri i shkodranëve, deklaroi se skuadra e tij futet në fushë me qëllimin e qartë, për të marrë 3 pikët.

“Në Rrogozhinë na pret një sfidë e madhe. Sipas mendimit tim, Egnatia është një nga ekipet më të mira të kampionatit dhe të luash mirë kundër këtyre ekipeve, është diçka shumë e rëndësishme. Ne shkojmë në këtë përballje, vetëm për të fituar. Është një ndeshje shumë e rëndësishme.

Çdo ndeshje është e ndryshme, ne jemi në një formë të mirë. Kemi mësuar nga e kaluara. E dimë që është e rëndësishme të luajmë deri në fund. Ne shkojmë vetëm për fitore, por në fund do shikojmë si do shkojë ndeshja. Na duhet një sfidë e madhe ndaj Egnatias”, deklaroi Brdaric.

Ndeshja Egnatia-Vllaznia, do të luhet këtë të shtunë, duke nisur nga ora 14:00. /tvklan.al