Spiker: Drini Zeqo

Headlines 20 tetor 2025

Trump betohet si presidenti i 47-të i SHBA: Epoka e artë e Amerikës nis tani.

Donald Trump betohet si Presidenti i 47-të i Shteteve te Bashkuara. Ceremonia u zhvillua brenda Kapitol Hill, për shkak të të ftohtit ekstrem. Në fjalën e parë të mbajtur menjëherë pas marrjes së detyrës ai tha se “epoka e artë e Amerikës nis tani”.

Mbi 200 urdhra ekzekutivë në ditën e parë si president. Trump nis me rekorde.

Trump do ta vijojë ditën e tij të parë të punës me një rekord. Ai njoftoi se do të firmose mbi 200 urdhra ekzekutivë, duke kaluar me dhjetëra herë shifrën e presidentëve të mëparshëm. Papa Francesku shpreh shqetësim për dëbimin e emigrantëve.

Berisha: Do i kërkoj Trump heqjen e “non grata”. SPAK, i angazhuar në luftën kundër opozitës.

Kryetari i Partisë Demokratike, Sali Berisha, thotë se do t’i kërkojë administratës se re amerikane te rishikoje vendimin per shpalljen e tij “Non grata”. Ai akuzoi sot SPAK-un si strukturë te angazhuar ne luftën kundër opozitës.

PS-PD, “ok” ndryshimeve në Kodin Zgjedhor. Listat, 60 ditë para. Emigrantët votojnë edhe me karta të skaduara.

Socialistet dhe Demokratet bien dakord per ndryshimet ne Kodin Zgjedhor. Damian Gjiknuri zbulon per Tv Klan se listat do te dorëzohen 60 dite zgjedhjeve, ndërsa vlefshmëria e dokumenteve te identifikimit do te shtyhet per te mundësuar votimin e emigranteve.

Dumani: Gati strategjia për krimet zgjedhore. Politikanët në “Sky”? S’i kemi të gjitha bisedat.

Ne prag te zgjedhjeve te 11 majit, SPAK ka gati strategjinë për te goditur krimet zgjedhore. Prioritet mbetet krimi dhe korrupsionit te   zyrtareve te larte, por SPAK thotë se nuk disponon te gjitha bisedat ne aplikacionin SKY.

2.1 milionë të huaj në hotele në 11 muaj në Shqipëri. U regjistrua vetëm 20 përqind e tyre.

Vetëm 2.1 milionë ose gati 20% e shtetasve të huaj që vizituan Shqipërinë deri në nëntor te 2024-es janë regjistruar si të akomoduar në strukturat hoteliere. Megjithatë, sipas INSTAT kjo shifër është 57% më e lartë se në 2023-in.

/tvklan.al