Trump, Putin dhe Xi Jinping të ulur krah për krah në një pallat në Jaltë, Krime, ku Roosevelt, Stalini dhe Churchill u takuan 80 vjet më parë në Shkurt 1945.

Artisti rus Andrei Krupin ka riportretizuar konferencën historike midis fuqive aleate që përcaktoi të ardhmen e Evropës në fund të Luftës së Dytë Botërore.

Tre portretet e mëdha të Trump, Putin dhe Xi Jinping që ngjajnë me ato të liderëve amerikanë, sovjetikë dhe britanikë u vendosën në territorin e Pallatit Livadia në Krimenë jugore, vendi i Konferencës së Jaltës në 1945 të quajtur “The big Three”.

 “Këtë vit shënohet 80-vjetori i Konferencës së Jaltës – takimi midis Churchill-it, Roosevelt–it dhe Stalinit në Pallatin Livadia, ku për shumë vite u vendos e ardhmja e njerëzimit dhe vendosëm të bëjmë një ekspozitë “Yalta 2.0”, me ndihmën e së cilës do të tregojmë se si do të dukej, si do të ndodhte sot Konferenca. Nëse ndodh, do të duket saktësisht kështu Vladimir Putin, Xi Jinping dhe Donald Trump do të takohen për të diskutuar të ardhmen e njerëzimit dhe në këtë foto ata shohin të ardhmen që do të vendosin”, u shpreh Andrei Krupin.

Duke folur për Reuters, Krupin tha se instalacioni sugjeron gjithashtu se bisedimet e mundshme midis udhëheqësve të SHBA, Rusisë dhe Kinës mund të vendosin se çfarë do të ndodhë në vazhdim.

“Qëndrimi im ndaj Donald Trumpit është pozitiv. I nguli rrënjët e tij gjatë fushatës së tij zgjedhore, ndjeva keqardhje për të kur u qëllua në podium dhe brohorita për fitoren e tij”, tha Krupin.

Për liderin kinez, artisti rus ka po ashtu një qëndrim pozitiv.

“Kam një qëndrim të mrekullueshëm ndaj Xi Jinping. Gruaja ime ka rrënjë kineze. Në familjen time unë jam rus, gruaja ime ka paraardhës nga Kina dhe në familjen tonë bashkëpunimi i Rusisë dhe Kinës është pozitiv”, tha Krupin.

Që nga marrja e detyrës në 20 Janar, Presidenti amerikan Donald Trump tha se ka folur me Putinin me telefon për përfundimin e konfliktit në Ukrainë, biseda e parë e drejtpërdrejtë që nga viti 2022.

Kremlini ka thënë se nuk mund të konfirmojë apo mohojë nëse Presidenti Valdimir Putin kishte folur me Presidentin amerikan Trump në telefon.

Klan News