Trajneri i Bayer Leverkusen, Xabi Alonso, foli në prag të ndeshjes me Interit në Champions League.

Tekniku i gjermanëve, vlerësoi maksimalisht kundërshtatrin, duke thënë se janë një ekip i kompletuar.

Alonso deklaroi se i pret një ndeshje e madhe, ndaj një skuadre të vështirë.

“Duke pasur parasysh rivalin, do të jetë një ndeshje spektakolare, e një niveli të lartë. Interi e ka aftësinë që ndeshjen ta çojë aty ku dëshiron vetë. Kanë ekip të mirë dhe me cilësi individuale. Duhet të luajmë ndeshjen me pjekuri dhe cilësinë e duhur.

Duhet të jemi efikase dhe kreativë. Ekipi po konkurron mirë dhe na pret një sfidë e madhe, ndërsa një ekipi të vështirë. Interi ka një skuadër të kompletuar. Kanë shumë cilësi te lojtarët e tyre. Kanë futbollistë që bëjnë diferencën”, deklaroi Alonso.

Ndeshja Bayer Leverkusen-Inter, do të luhet të Martën në orën 21:00. /tvklan.al