Reshje bore në juglindje. Në zonat urbane reshjet janë me intensitet të ulët. Gazetarja e Klan News, Daniela Zisi, raporton se në Korçë nuk raportohen probleme për qarkullimin e mjeteve në akset nacionale.

Sipas ARRSH në segmentin rrugor Bilisht-Kapshticë reshjet e dëborës janë me intensitet të lartë. Mjetet borëpastruese janë në terren dhe po bëhet pastrimi dhe hedhja e kripës.

Apelohet që drejtuesit e mjeteve të bëjnë kujdes në lëvizje dhe të respektojnë sinjalistikën rrugore. Këshillohet  reduktim shpejtësie, pajisje me zinxhirë dhe goma dimërore.

Dëbora vazhdon edhe në Dardhë e Voskopojë./tvklan.al