Cristiano Ronaldo hodhi një tjetër hap drejt objektivit 1000 gola në karrierë. 39-vjeçari realizoi golin e 908, duke thelluar shifrat sezonale. Në 18 ndeshjet e deritanishme mes klubit dhe kombëtares ka shënuar 13 gola dhe dhuruar 3 asiste. Në fitoren ndaj Al Ain, 5-1 në kuadër të Ligës së Kampionëve të Azisë Ronaldo shënoi të dytin për Al Nassr.

5 herë fituesi i Topit të Artë po përjeton një ecuri fenomenale, teksa në 41 ndeshje në këtë vit kalendarik ka shënuar 35 gola dhe 6 asiste, mesatarisht një gol ose asist në çdo 90 minuta.

Al Nassr ka regjistruar 10 pikë pas 4 ndeshjeve në kompeticionin më të rëndësishëm të kontinentit aziatik, duke qenë i treti në renditje. ndërkaq, për Al Ain, kjo ishte humbja e tretë radhazi, ndërsa gjendet e fundit me 1 pikë.

Klan News