#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.

“Kujdes shëndetin”– Ndërhyrjet për trurin, LivHospital 

#arditgjebrea #alketabrahushaj #dr.metekaratay #tumor #parkinson#dbs#epilepsi #stimulim#nerv #vagus #paisje #dhimbje #kronike

“Ka një mesazh për ty” – Ringritja e Nexhit pas 7 vitesh nën dhunë

#arditgjebrea #e dielashqiptare #nexhi #suzana #elbasan #dhune#martese #bashkeshort #ndarje #femije #nene

Dhimbja pas një buzëqeshjeje, duroi 7 vite nën dhunë: Nuk mund të kthehesha pas

Nexhi hyri në studion e “Ka Një Mesazh Për Ty” të programit “E Diela Shqiptare” në Tv Klan me një buzëqeshje plot dritë. “Jam e fortë”, iu përgjigj ajo habisë së Ardit Gjebreas pasi rrëfimi i saj nuk është i lehtë.

Kur Nexhi ishte 19 vjeçe, babai i saj ndërroi jetë. Veç dhimbjes, familja shqetësohej për problemet ekonomike por edhe për nënën sepse kaloi në depresion të thellë. Më vonë, Nexhi fitoi mundësinë për të vijuar studimet në Tiranë dhe vendosi që të mos  e humbiste. Ardhja në kryeqytet përkoi edhe me njohjen e një djali, 10 vite më të madh se ajo por që e donte shumë dhe nisën bashkëjetesën.

Nexhi: Në fillim duheshim dhe ne vendosëm që në momentin që u njohëm, të bashkëjetonim. Ai ndodhej në Tiranë.

Ardit Gjebrea: Menjëherë?

Nexhi: Menjëherë, pa u njohur. Në fillimet tona ishim shumë në rregull bashkë, pavarësisht se familja e tij nuk donte që të ishim bashkë.

Ardit Gjebrea: Pse?

Nexhi: Sepse ai nuk punonte, edhe pse ishte 10 vjet më i madh se unë. E doja shumë, është normale se isha e vogël dhe gjithmonë kam dashur një person më të madh se mendoja se do të mësoja diçka, do të  ndihesha e mbrojtur nga çdo gjë. Vendosëm të fejoheshim.

Ardit Gjebrea: Familja e tij vazhdonte të ishte kundër, po?

Nexhi: Familja e tij po, por gjtihmonë duke bashkëjetuar në shtëpinë e tij. Unë punoja, por ai i filloi xhelozitë, filloi të më hiqte nga puna, unë filloj një punë ndërkohë që vetë nuk punonte. Nëna e tij vendosi të na nxirrte në shtëpi me qira kur ne të dy realisht ishim pa punë sepse nuk duronte dot, mbase mua sepse gjithmonë është shprehur që ishin një dhomë e kuzhinë dhe “nuk kemi ambient”. Më thoshte mua “ti je në fejesë, nuk ke pse të rrish me mua por shko te mami jot dhe hajde me ditë”, i thoja po unë jam në Elbasan ndërkohë që jam në shkollë, punë e të gjitha. Gjithë agresiviteti i tij binte mbi mua dhe më dhunonte.

Ardit Gjebrea: Kur filloi dhuna?

Nexhi: Në fejesë, pas një viti e ca.

Ardit Gjebrea: Deri në atë kohë nuk kishte asnjë shenjë dhune, jo?

Nexhi: Kishte pak, por që unë nuk i vija re. Kishte ndonjë agresivitet në fjalor, në dhunë psikologjike, por gjithmonë kur femra dashuron i errësohen ndonjëherë sytë dhe nuk shikon më gjatë.

Ardit Gjebrea: Por jo fizike?

Nexhi: Jo fizike. Më mbrapa filloi dhuna fizike, për çdo fjalë timen u dukej sikur unë kundërshtoja, sikur unë isha për keq kur unë ndërkohë isha vetëm 20 vjeçe dhe i thoja që unë dua të mësoj, dua të mësoj edhe nga ti. Ndërhynte deri te pjesa e sistemimit të dollapit që “unë jam nëna, kam 30 vjet që unë e rris dhe do t’ia rregulloj si të dua unë”, ndërkohë që unë i thoja por është edhe dëshira ime që t’i sistemoj, t’i rregulloj dhe përpos kësaj, vinte dhuna fizike nga ish-bashkëshorti im.

Për 7 vjet, Nexhi duroi e nënshtruar ndaj dhunës. E pyetur për arsyen, ajo u shpreh “nuk mund të largohej nga ajo strofull” sepse pavarësisht mbështetjes nga familja, trembej nga kthimi në Elbasan.

“Rrezikonim të dy”, shtatzënia që u kthye në luftë për mbijetesë: Mjekët s’na dhanë shanse

Vetëm 19 vjeçe dhe me dëshirën që dashuria të ishte mbrojtja e streha e saj e sigurt, Nexhi vendosi t’i besonte djalit  që ajo njohu kur sapo erdhi me studime në Tiranë. Sapo kishte humbur babain, në Elbasan ndodhej nëna e vëllai ndërsa Tirana premtonte ëndrra, shkollim dhe dashurinë. Nexhi tregoi në “Ka Një Mesazh Për Ty” se sapo u njoh me këtë djalë që ishte 10 vjet më i madh se ajo, vendosën të bashkëjetonin.

Nuk u desh gjatë që fjalët e ashpra të ktheheshin në dhunë fizike e psikologjike. Situata u përkeqësua kur siç tregon Nexhi më tej gjatë rubrikës të së “Dielës Shqiptare” në Tv Klan, u zhvendosën në një shtëpi me qira dhe ai i kërkonte vazhdimisht para pasi nuk punonte por nuk lejonte as atë ta bënte.

Më vonë, erdhi martesa prej së cilës kanë edhe një fëmijë. “Shtatzënia ishte momenti më i keq”, kujton Nexhi teksa tregon se analizat rezultuan me anemi të theksuar dhe vjehrra e fajësonte se foshnja do të  lindte e sëmurë. Në muajt e parë të shtatzënisë, vazhdonte edhe dhuna fizike por situata e shëndetit të saj përshkallëzoi.

Nexhi: Deri në momentin 6-muajsh kur doktoresha vë re një ndryshim në trupin tim. Aty fillova të fryhesha shumë dhe kur iki bëj kontrollin, doktoresha më thotë që “ti vuan nga hipertensioni në shtatzëni”. Në atë moment më shtrojnë direkt në maternitetin e vjetër, rri një javë.

Ardit Gjebrea: Sa e kishe tensionin?

Nexhi: Tensioni shkonte 18 me 13, 14. Kisha raste që kisha kapur edhe 19.

Ardit Gjebrea: Ndërkohë që ishe shtatzënë?

Nexhi: Isha 6-muajshe.

Ardit Gjebrea: Të shtruan në maternitet.

Nexhi: Po, në maternitetin e  vjetër.

Ardit Gjebrea: Më fal, kishe rrezik për  jetën?

Nexhi: Po, shumë sa pas ilaçeve të shumta që unë konsumova nën kujdesin e mjekëve të mrekullueshëm që ne kemi, unë arrita që tensionin të ma stabilizonin, por tensioni më vinte nga gjendja e ankthit që më krijohej edhe në maternitet, nga presionet, nga dhuna psikologjike, nga çdo gjë nga ish-bashkëshorti.  Një fjalë që unë në ato momente kisha nevojë për shumë ngrohtësi, atë fjalën time  e merrnin për tjetërsoj dhe fillonin më dhunonin psikologjikisht sepse në ato momente unë isha në spital dhe nuk kishte ç’më bënte.

Vetëm pak ditë pas daljes nga spitali, Nexhi mori goditjen më të rëndë gjatë një kontrolli kur mësoi se jeta e saj dhe e djalit ishte në rrezik.

Nexhi: Kur iki për kontroll, prapë doktoresha më thotë “ti do të operohesh urgjent nesër”. Sa kisha hyrë në javën e parë të muajit të shtatë, isha 26 javëshe. “Po ta them që tani që vetëm shpresat te Zoti se të dy rrezikoni jetën”, edhe unë, edhe djali sepse çuni kishte ndaluar zhvillimin, nuk ushqehej më me gjak nga unë nga të gjithë sikletet dhe vuajtjet që unë kalova. Nuk furnizohej me gjak, rrahjet e zemrës po dobësoheshin. Më lidh direkt me maternitetin e vjetër, aty nuk më merrte përsipër asnjë doktor të rrezikonte sepse tensioni më vazhdonte 17 me 13, 14, ishte shumë e rrezikshme që unë të futesha në  sallë. Derisa në fund, drejtori i pavijonit të shtrimeve që ka qenë në atë kohë më mori përsipër bashkë me dr. Elvanën. Ata më operuan duke… më thanë që në fillim që do të hyja në sallë, duke firmosur që “Nexh, nuk të japim përqindje që ti do të jetosh bashkë me djalin”. Në atë moment, pa hyrë në sallë vjen mami im, më kap nga duart, unë në atë moment nuk mendoja asgjë, vetëm qaja dhe më thotë kaq, dy fjalë që unë do i mbaj mend, nuk do i harroj kurrë, “a je e fortë?”, po i kam thënë. “A e do djalin?”, po. “Ti do të dalësh me sukses, mos mendo asgjë tjetër, vetëm mendo që ti e do atë djalë shumë”.

“Më rrahu në sy të djalit”/ Rikthimi në shtëpinë e dhunës: Momenti kur mbaroi çdo gjë

Pas përfundimit të operacionit të rrezikshëm që kërcënonte jetën e saj e të djalit, Nexhi e la maternitetin me mrekullinë e saj të vogël në krahë që peshonte veç 1 kg. Ndryshe nga nënat e tjera që pranë u gjendet bashkëshorti për t’i dhënë një përqafim a për t’i ndihmuar, ajo s’mori asgjë nga këto.

Në fakt, ditën e daljes nga materniteti, në shkallët e tij, kujton ajo në “Ka Një Mesazh Për Ty” nga “E  Diela Shqiptare” në Tv Klan, u rikthye dhuna e mëparshme. Mjaftoi një fjalë që bashkëshorti t’i shkulte flokët e ulërinte që gjithçka të kthehej si më parë, në frikë e deri depresion.

Për të pakësuar shpenzimet, Nexhi dhe ish-burri i kërkuan nënës së tij që t’i pranonte në shtëpi me djalin. Me shumë rezistencë, ajo ua hapi derën derisa një ditë i flaku jashtë sërish. Dhuna nuk ndalonte në asnjë moment, familjarët e Nexhit e dinin dhe i kërkonin të largohej, por ajo s’e bënte. Një ditë, vëllait iu desh ta dëshmonte realitetin e tmerrshëm të së motrës.

Nexhi: Ndodhi një debat kur unë u dhunova fizikisht me djalin në krahë vetëm dy javësh dhe në sy të vëllait tim. Vëllai im, ky i dyti sepse të madhin e kisha në Itali dhe nuk donim ta shqetësonim, pavarësisht se ishte pak në dijeni, më thoshte që “unë s’kam pse të bëj burg ose s’kam pse të ushtroj dhunë te një person që është i dhunshëm, unë mundohem të flas me fjalë” dhe e uli në kafe dhe i tha “vendos, nuk ke pse ti të ushtrosh dhunë pikërisht në syrin tim”.

Ardit Gjebrea: Në momentin që ushtroi dhunë në syrin e tij…

Nexhi: E ka tërhequr vëllai im, e ka mbajtur fort dhe i ka thënë “të lutem, të kam vëlla dhe ty”.

Frika dhe dëshira për të pasur një familje e kishin ngërthyer Nexhin në një rreth vicioz nga i cili nuk e gjente forcën të dilte. Pas një tjetër episodi dhune në sy të të birit, vendosi të largohej vetëm për  t’u rikthyer sërish me idenë se ndryshimi mund të kishte ndodhur. Përplasja me dhunën vijoi derisa Nexhi nuk pranoi më që jeta e saj të vazhdonte njësoj si 7 vitet e shkuara.

Ardit Gjebrea: Çfarë të mbante ty të lidhur me të?

Nexhi: Nuk e di. Tani që e kuptoj, ishte vetëm frika ime për të ecur përpara, frika dhe më dukej sikur opinioni që unë do të kthehesha në Elbasan, do të më gjykonin… ishte e para dashuri e imja, e doja shumë familjen dhe prandaj e krijova edhe aq të vogël, e kisha idhull. Në qoftë se unë kam pasur diçka në jetën time idhull, ka qenë familja.

Ardit Gjebrea: E di, por si mund të rritej djali yt duke parë nënën që dhunohej nga babai i vet?

Nexhi: Ndodhi edhe kjo. 

Ardit Gjebrea: Ndodhi?

Nexhi: Kur djali ka qenë një vjeç e gjysmë, e operojmë dhe kur kthehemi nga dalja e spitalit, unë i them që pse s’është marrë një tortë për djalin? Aty ka qenë dhuna e fundit që mbaroi çdo gjë, duke u rrahur me rrip pantallonash, i kam edhe foto, aty unë nuk munda dot më, duke ma nxirë syrin që kur e kujtoj, dridhem dhe djali ishte me kateter dhe vinte nëpër shtëpi duke na parë. Në atë kohë, njoftoj prapë vëllain, ai vjen dhe ai thotë “jo, ti nuk do të rrish më këtu, në qoftë se ti do të rrish, nuk do të rrish më këtu”, merr çunin, më merr mua dhe kthehem në Elbasan. Pas shumë tentativave, duke u përpjekur ky, duke kërkuar falje, gjëra që të riktheheshim prapë bashkë, kthehem prapë. E di, është gabimi im, ishte shumë gabimi im por duke më premtuar që ta bëja vetëm për hir të djalit sepse nuk rrinte dot larg djalit dhe mendova sepse ishte vërtet shumë i vogël, mezi e kam rritur, e laja vetë, vinte mami çdo fundjavë, mbaronte punën dhe nisej për në Tiranë që më ndihmonte, kishte raste që nisej në darkë dhe ikte në Elbasan në mëngjes se sëmuresha shumë shpejt nga imuniteti. Kur kthehem, nuk zgjati më shumë se dy muaj.

Ardit Gjebrea: U përsërit prapë dhuna?

Nexhi: Dhuna fizike jo sepse nuk e lejova më. Nuk e lejova më, në momentin që tentoi i thashë stop,  boll, nuk ke të drejtë të më prekësh në asnjë moment më, boll të kam duruar. Ishte dhunë psikologjike, me fjalë të rënda…

Ardit Gjebrea: Kur thua dhunë psikologjike çfarë nënkupton?

Nexhi: Me fjalë të rënda, shumë ofenduese, deri te familjarët e mi. Aty i thashë të lutem, largohu nga shtëpia. Ka qenë ora 12 e gjysmë e natës, ditën e ditëlindjes së djalit.

Forcë e paimagjinueshme! Ish-burri e dhunoi në sy të vëllait të saj, Nexhi kujton reagimin e tij

Ditën e daljes nga materniteti pas operacionit  që rrezikoi jetën e saj e të djalit por të dy ia dolën me sukses, në shkallët e tij, Nexhi u përball sërish me dhunën e ish-bashkëshortit. Ajo tregon për  “Ka Një Mesazh Për Ty” nga “E Diela Shqiptare” në Tv Klan se vëllai  i saj u përpoq të gjente një urë komunikimi me kunatin e tij, por pa dobi. Një ditë, vëllait iu desh ta shihte e përjetonte realitetin e tmerrshëm të së motrës e më pas të gjente forcën për të mos përkeqësuar gjendjen.

Nexhi: Ndodhi një debat kur unë u dhunova fizikisht me djalin në krahë vetëm dy javësh dhe në sy të vëllait tim. Vëllai im, ky i dyti sepse të madhin e kisha në Itali dhe nuk donim ta shqetësonim, pavarësisht se ishte pak në dijeni, më thoshte që “unë s’kam pse të bëj burg ose s’kam pse të ushtroj dhunë te një person që është i dhunshëm, unë mundohem të flas me fjalë” dhe e uli në kafe dhe i tha “vendos, nuk ke pse ti të ushtrosh dhunë pikërisht në syrin tim”.

Ardit Gjebrea: Në momentin që ushtroi dhunë në syrin e tij…

Nexhi: E ka tërhequr vëllai im, e ka mbajtur fort dhe i ka thënë “të lutem, të kam vëlla dhe ty”.

Dhimbja e fashitur nga dashuria, vajza falenderon nënën: Prej teje kam jetën e dytë!

Furtunat e jetës e goditën Nexhin që në moshën 19-vjeçare, me një histori dashurie që për 7 vite e ktheu në viktimë të dhunës. Ajo ndau në “Ka Një Mesazh Për Ty” dhimbjen e atij përjetimi, përballjen me vdekjen, ardhjen në jetë të djalit, largimin e rikthimin në shtëpinë që nuk u kthye kurrë në folenë që kishte ëndërruar.

Pas 7 vitesh, Nexhi ia doli që t’i jepte vetes e djalit një mundësi më të mirë, larg dhunës. Në këtë rrugëtim, ka pasur mbështetjen e nënës dhe vëllezërve të saj që s’e kanë lënë vetëm asnjë moment. Triumfi i Nexhit vjen në sajë të tyre ndaj ajo dëshiron që t’ia shprehë nënës falenderimet e saj.

Nexhi: Mami!

Suzana: Urdhëro!

Nexhi: Ti e di shumë mirë  që ne të duam shumë, si unë edhe vëllezërit që janë larg. Ti e di që për ne je pika jonë më e dobët. Është vendi më i bukur këtu që unë të të falenderoj ty për çdo sakrificë që ke bërë për ne të tre, sidomos për mua. Të falenderoj që gjithmonë ke qenë heroinë për ne. Për mua ke qenë mbretëreshë e kaluar mbretëreshës sepse më ke dhënë forcë nga forca jote, më ke dhënë dorën gjithmonë dhe nuk ma ke lëshuar kurrë, më ke hapur derën sa herë unë kam pasur nevojë dhe mbase nga shumë gabime që unë kam bërë apo zgjedhje të gabuara të miat. Dua të të falenderoj për rritjen e djalit tim, Henri që ke dhënë maksimumin dhe po jep maksimumin për atë djalë, që i qëndron gjithmonë te koka për çfarëdolloj gjëje, për të dy djemtë e mi. Unë prej teje dhe prej vëllezërve të mi kam jetën e dytë dhe ti e di shumë mirë. Të falenderoj jashtë mase dhe do të të jem mirënjohëse deri në fund të jetës sime!

E mbetur pa fjalë, Suzana shprehet se ka bërë vetëm detyrën. Ajo ka kaluar një mori vuajtjesh pas ndarjes nga jeta të bashkëshortit dhe u desh të përballej me historinë e së bijës e të mos dorëzohej. Suzana ka gjithashtu një këshillë për të bijën.

Suzana: Zoti më dha forcë që unë të isha mbështetëse e këtyre tre fëmijëve. Për historinë e vajzës, i drejtoja pyetjen vetes sepse i ndodhën shumë gjëra dhe thosha ku gabova, por jo, nuk kisha gabuar. Zoti ndonjëherë i sjell edhe këto gjëra, por unë vajzës sime i them të bëhet e fortë ashtu siç është bërë nëna juaj e fortë që ju ka rritur juve, nuk ka rëndësi a je e vetme apo jo. Bëhu burrneshë dhe rrit ata dy yje që të ka dhënë Zoti lart!

“Ka një mesazh për ty” – Miqësia që lindi nga qyteti i alfabetit

#arditgjebrea #e dielashqiptare #emiraselim#alfred #manastir#liber #miq #mision #mesuese #lexim #molos #dron

Hapi bibliotekën shqipe në Manastir, kush është “pasardhësja” 25-vjeçare e motrave Qiriazi?

Alfredi jeton prej 26 vitesh në Athinë ku me shumë mundim ka ndërtuar një jetë më të mirë. Që në fëmijëri, ai ka qenë i dashuruar pas librave dhe me përpjekje, ndërtoi bibliotekën e tij të vogël. Nga pamundësia, Alfredi nuk mundi të ndiqte universitetin, por kjo s’ia ka zbehur kurrë dëshirën për të lexuar.

Por një episod i rastësishëm ka ngjallur diçka të fortë tek ai. Alfredi tregon për “Ka Një Mesazh Për Ty”  nga “E Diela Shqiptare” në Tv Klan për një vajzë që ia ka dalë të hapë një bibliotekë me libra shqip në Manastir.

Alfred: Rastësia e deshi që para një viti e gjysmë pashë në internet një vajzë nga Shkupi që po mblidhte libra.

Ardit Gjebrea: Çfarë librash?

Alfred: Mblidhte libra në të gjithë trojet shqiptare, Shqipëri, Kosovë, Maqedoni dhe e përcillja  me  vëmendje. Në nëntor të vitit  të  kaluar, ajo e shpalli plotësisht qëllimin e këtyre librave që mblidhte vazhdimisht dhe hapi pikërisht në qytetin e shtrenjtë të Manastirit, hapi bibliotekën me libra shqip.

Mes tyre ka ndodhur edhe një takim nga i cili Alfredi ka shumë mbresa. Vajza quhet Emira Selimi, është  25 vjeçe dhe i është dedikuar plotësisht kësaj kauze. Alfredi e quan atë pasardhësen e dy figurave të rëndësishme të historisë, motrave Qiriazi.

Alfred: Sivjet, shkova dhe e takova në Shkup, u nisa nga Athina. Ndenjëm tri ditë bashkë atje. Ishte me të vërtetë një kënaqësi e jashtëzakonshme. Ajo është një vajzë tepër kurajoze.

Ardit Gjebrea: Si quhet?

Alfred: Ajo vajzë quhet Emira Selimi.

Ardit Gjebrea: Sa vjeç është? 

Alfred: Është 25 vjeç. Për moshën që ka, ajo është një brilant sepse ka mbaruar shkëlqyeshëm universitetin dhe në vend që t’i kushtohet karrierës në çdo lloj pune që mund t’i ofrohej me rezultatet që kishte, ajo iu përkushtua librit të gjuhës shqipe.

Ardit Gjebrea: Cili është motivi që ajo e bën?

Alfred: Është thjesht atdhedashuria dhe dashuria që ka për librin në gjuhën shqipe. Mund të them është një pasardhëse e motrave Qiriazi. Ajo i ka idhull këto dy motra dhe mendoj se është motra Qiriazi e ditëve të sotme.

Dron në “Ka Një Mesazh Për Ty?” E fejuara e Molos Parthinit s’e fsheh habinë: Ah, ç’më bën!

Emira Selimi është vetëm 25 vjeçe, por ka një dashuri të madhe për atdheun dhe dashurinë. Edhe pse me rezultate të shkëlqyera, ajo ia ka dedikuar veten plotësisht hapjes së bibliotekës shqipe në Manastir duke u mësuar dashurinë për librin fëmijëve të vegjël. Të gjitha këto na i rrëfeu në studion e së “Dielës Shqiptare” në Tv Klan miku i saj, Alfredi që e ka ftuar në “Ka Një Mesazh Për Ty”.

Sigurisht që Emira nuk është aspak në dijeni dhe deri më tani ka pasur disa hamendësime, por pa mundur ta zbulojë. Ajo tregon se ka pyetur edhe të fejuarin, i cili s’është emër i panjohur për publikun. Molos Parthini është mik i Ballist Morinës dhe personi tjetër që ngriti dronin me flamurin me simbolet kombëtare në ndeshjen Shqipëri-Serbi në Beograd. Emira thotë se e ka pyetur nëse qëndron ai pas surprizës, por e ka mohuar.

Ardit Gjebrea: I fejuari s’të ndihmoi fare të të tregojë se kush të ka ftuar?

Emira: Ah Molos, ç’më bën! Unë thoja mos vallë do të më bësh ndonjë surprizë në publik, para  Arditit, po tha “s’kam lidhje me të”.

Ardit Gjebrea: Çfarë natyre është ai?

Emira: Molosi? Edhe pse është personazh publik, pasi historinë e Molosit besoj e dini të gjithë, ai ka ngritur dronin në Beograd bashkë me Ballistin, por nuk e preferon shumë publikun prandaj nuk më ka shkuar mendja.

Ardit Gjebrea: Mos na ka sjellë ndonjë flamur këtu, nga muri? Hë mo Molos?

Emira: Ai punon me dronë dhe ndoshta e ka sjellë.

Ardit Gjebrea: Ndonjë dron këtu?

Emira: Ndoshta.

Ardit Gjebrea: E do shumë Molosin?

Emira: Shumë e dua. Ka qenë bashkëpunëtori im më i afërt dhe ka rrezikuar shumë për mua, në atë qytet të shkronjave ku ka qenë shumë e rrezikshme situata derisa u hap biblioteka që edhe tani ne rreziqet i shohim çdo ditë në atë qytet, por ka qenë gjithmonë afër meje. E dua shumë.

“Shihemi në Gjyq” – Akuzon motrën se i vodhi kredinë e butë 

#enicobani #shiheminegjyq #tvklan #edielashqiptare #behije #zybejte #kredi #bashki #banke #shtepi #pervetesim

“Kjo fytyra këtu më mori kredinë!” Nis me tension seanca e ndërmjetësimit, kap motrën nga xhaketa

Episodi i parë i “Shihemi në Gjyq” për vitin 2025 nis me konfliktin e fortë të dy motrave, Behijes dhe Zybetes. Është Behija ajo që ka kërkuar përballjen e tyre në rubrikën e së “Dielës Shqiptare” në Tv Klan me pretendimin se Zybetja i ka marrë kredinë e butë që i ishte akorduar nga bashkia.

Zybetja e mohon këtë akuzë, ndërsa Behija është e bindur pasi specialistja i ka thënë “ta ka marrë motra”. Në gjaknxehtësi e sipër, Behija shkon afër së motrës dhe e tërheq nga xhaketa.

Behije: Jam në mes të katër rrugëve, po jetoj jashtë fare. Kisha një fëmijë, edhe ai fëmijë më braktisi se më tha “ku ke shtëpi ti moj mami, unë nuk rri me ty” dhe iku. Ai  ka të  drejtë, unë nuk ia prish jetën djalit. Ka ikur, më ka lënë vetëm, jam jashtë fare znj. Eni. Këtu kam thirrur motrën, këtë fytyrën këtu! Kjo më mori kredinë mua se ma dha bashkia dhe ti ma more mua! Ti se unë do të isha në shtëpi sot, nuk do të isha në rrugë në mes të gjarpërinjve!

Zybete: Çfarë të mora unë ty moj mashtruese?

Behije: Kujt i thua mashtruese?

Zybete: Ti moj! Çfarë të mora unë ty moj, çfarë të mora moj?

Behije: Mizerie dreqi!

Zybete: S’të kam marrë asgjë! Për çfarë më ke sjellë këtu?

Behije: Të kam sjellë se më more shtëpinë moj!

Eni Çobani: Është e vërtetë znj. Zybete, i ke marrë shtëpinë motrës? Se qenka edhe vetëm me një djalë, ju me kë banoni në shtëpi? Jeni vetëm?

Zybete: Unë kam bashkëjetuar, tani nuk bashkëjetoj, jam vetëm dhe tani unë jetoj në shtëpinë time,  pa pasur asnjë lloj borxhi, pa pasur asnjë lloj detyrimi karshi kësaj. Kjo tani ka marrë, nuk e di se ç’ka marrë, kredi…

Behije: Mua ma dha bashkia kredinë! Ma dha bashkia kredinë dhe do të marrësh kredinë 26 milionë me kredi të butë dhe të rrish me gjithë fëmijën te shtëpia atje. Shkoj te banka unë, banka thotë ta ka marrë motra!

Zybete: Po ti e besove bankën?

Behije: Unë e besova se ajo është specialiste!

Zybete: Po çfarë të tha, ta ka marrë motra, ta jep motra ë? Çfarë të të jap unë ty moj motër? Po s’të kam marrë gjë moj!

Familja e përzuri prej dashurisë së ndaluar, Behija: Solla në jetë djalin, kurse ai më la!

Gjatë konfliktit me motrën e saj, Zybeten për misterin e një kredie, Behija shprehet në “Shihemi në Gjyq” se familja nuk e ka përkrahur kurrë. Ajo shpjegon se shkak ka qenë një histori dashurie që nuk kanë qenë dakord. Fillimisht për këtë, ndërmjetësja e rubrikës të së “Dielës Shqiptare”  në Tv Klan, Eni Çobani, pyet Zybeten dhe ajo e rrëfen përmbledhtazi ndërsa Behija tregon hollësirat.

Zybete: Tani babai, si një prind patriarkal me ato traditat e veta, nuk donte, donte që të martohej. Faktikisht kjo lindi atë djalin edhe pse nga kjo e quante veten të ofenduar që vajza t’i lindte një djalë,  është i mrekullueshëm dhe kjo iku tani, iku atje, pa shtëpi, pa gjë.

Behije: Po, më nxorën nga shtëpia, dola jashtë fare unë. Ngaqë doja këtë djalin unë, që linda fëmijë, nuk më pranuan më në shtëpi dhe më mbajti puna, unë punoja në spital dhe më mbajti puna, më dha drejtori i spitalit  një dhomë të vogël aty. Aty u bë laborator, ndenja disa vite sa u rrit pak çuni dhe pastaj më nxorën jashtë, më kanë çuar te një kasolle, ajo është e gjitha e prishur.

Eni Çobani: Pse nuk e donin marrëdhënien tënde me këtë djalë?

Behije: Nuk e donin, ashtu ishte ai. Nuk dua që vajza ime të marrë burrë me dashuri se do ta fejoj unë e do ta martoj unë. Kjo ishte e gjitha. Ishte nga ato të Turqisë me një fjalë, ishte me mbeturina në kokë ai tha “s’kisha çfarë t’i bëja”.

Eni Çobani: Dhe ti nuk u martove asnjëherë?

Behije: S’u martova më unë, rrita çunin pastaj. E mbldha mendjen, do rris fëmijën thashë.

Ardit Gjebrea: Po ai që doje ku iku?

Behije: Më la ai.

Ardit Gjebrea: Të la ai?

Behije: Po.

Ardit Gjebrea: Si të la? S’të mori në shtëpi ai?

Behije: Nuk më mori në shtëpi, ai punonte në polici, unë punoja në distrofik në spital. Nuk më mori. E pushoi dega nga puna, e hoqën, e nxorën nga puna fare. Pse po më lë? S’kishte asnjë arsye pse të më linte.

Ardit Gjebrea: Ndoshta edhe babai s’paska pasur edhe shumë faj që nuk donte…

Behije: Nuk donte ashtu ai, donte që të ma gjente vetë burrin. Unë nuk doja ashtu, atje më pëlqeu mua. Ai më pëlqeu, atë mora,atë që më deshi zemra. Pse do të merrja atë që donte ai? Jo. Kur nuk ka kimi, s’kam unë… s’kisha dashuri për atë që më thoshte ai mua, nuk e doja unë.

Ardit Gjebrea: Ah, pse të gjeti babai një tjetër?

Behije: Gjente ai plot, i binte aty në shtëpi ai, por unë ia ktheja, ia refuzoja dhe si duket i erdhi inat atij, pse ta marrësh vetë tha. Pastaj ai qe kristian, tha “të më biesh ti kaurin në shtëpi”, unë s’e shikoja se ishte kaur apo mysliman, mua më pëlqeu, kishim kimi me njëri-tjetrin, duheshim, ishte shumë çun i mirë, ishte nga kalaja aty, u dashuruam, por nuk u martuam. Ai punonte në polici, unë në spital.

Ardit Gjebrea: Shumë i mirë, shumë i mirë, por të la.

Behije: Më la! E ka lënë Zoti atë. Do t’i marrë hak Zoti!

“Kjo me gurë e unë me dërrasa!”/ Zybetja tregon si e qëlloi motra: Me çantë, bam në kokë!

Në fillim të seancës së ndërmjetësimit në “Shihemi në Gjyq”, Behija dhe Zybetja treguan se kishin pasur edhe përplasje fizike mes tyre për kredinë. Behija e ka akuzuar prej vitesh motrën se ajo i ka  marrë kredinë e butë, edhe pse kjo e fundit sqaron se ka përfituar një kredi konsumatore prej 11   milionë lekësh që e ka shlyer.

Behija thotë se punonjësja e bankës i ka thënë që e ka marrë Zybetja këtë kredi. Pas votimit të publikut të së “Dielës Shqiptare” në Tv Klan dhe një argumentimi nga Ardit Gjebrea se në këtë  histori ka diçka që nuk shkon dhe Zybetja nuk ka  gisht, Behija kujton përplasjen fizike mes tyre. Zybetja shton se ka qenë motra ajo që e ka sulmuar me çantë.

Behije: Komshiu te ai pallati që është kjo erdhi se ne po vriteshim, po rriheshim, sill kjo e sill unë! Kjo kap gurë, unë kap dërrasa, u dërrmuam!

Ardit Gjebrea: Po pra po, por si…

Eni Çobani: Si mundet në mes të qytetit të Elbasanit të bëhet një sjellje e tillë? Nuk ka një qytetar atje që të futet e të thotë çfarë problemi ka?

Zybete: Znj. Eni, po vritemi!

Eni Çobani: Znj. Zybete, si e lejon ti këtë histori?

Zybete: Ç’t’i bëja, ta vrisja? Vetëm vrasja ngeli! Sa më shikonte mua, “më more kredinë” tha! “Më more kredinë e butë! Më more shtëpinë”, tha! Çfarë të bëja? Duke ecur, kam dëshmitarë për këtë punë, e pashë që më kaloi, u shkëmbye, epo thashë do të ikë. Pas meje, siç e kishte çantën,  “bam” mu këtu! Qe çanta që s’pati gjëra të rënda se do të kisha rënë përmbys!

“Super prokuror!”/ “Shihemi në Gjyq” mbyllet me të qeshura, Gjebrea pajton motrat

Edhe pse në insertet e tyre në “Shihemi në Gjyq” deklaruan se kjo do të ishte hera e fundit që shiheshin e takoheshin, duket se fundi i rubrikës i gjen ndryshe Behijen dhe Zybeten. Përballja e tyre për kredinë që i ka konfliktuar prej kaq vitesh ishte e ashpër, por Eni Çobani tha se me ndihmën e bashkisë së Elbasanit do të sqarohet ku ka qëndruar problemi që Behija s’i tërhoqi dot asnjëherë paratë nga banka.

Me të dëgjuar këtë, ajo reagoi e lumtur duke uruar jo Çobanin, por drejtuesin e së “Dielës Shqiptare” në Tv Klan, Ardit Gjebrean. Ky i fundit nuk e humbi rastin për të bashkuar motrat në përqafimin e tij duke i çuar drejt pajtimit.

Behije: Rrofsh sa malet!

Ardit Gjebrea: Unë jo, jo s’kam lidhje!

Behije: Ardit, ju falenderoj juve për këtë yll kaq të bukur që keni që na zgjidh këto probleme!

Ardit Gjebrea: Nuk jam unë i ati!

Zybete: Për mua je një super prokuror! Je një super prokuror i drejtësisë!

Ardit Gjebrea: Hajde t’ju përqafoj njëherë të dyjave!

Zybete: Je një super prokuror se edhe prokuror të ishe, kaq mendim të kthjellët…

“Të Panjohurit” – Erjona Kosta

I ftuari VIP: Stine

#tvklan #edielashqiptare #tepanjohurit #arditgjebrea #loje #show #spektakel #quizz #para #argetim #dilema #argetim #ediele #albania #shqiperia

/tvklan.al