Mijëra emigrantë nga vendet e Amerikës Qëndrore kanë mbetur të bllokuar në Meksikë, pasi autoritetet kanë mbyllur kufirin me SHBA-në.

Ata po përpiqen të hyjnë në Shtetet e Bashkuara dhe aktualisht karvani i tyre ndodhet në qytetin Tapachula, 37 kilometra nga kufiri jugor i Meksikës me Guatemalën.

Autoritetet meksikane më parë u përpoqën që t’i ndalonin në një urë në kufi. Mirëpo, disa prej tyre arritën të hynin në Meksikë në mënyrë të paligjshme me anije.

“

Jemi të djegur nga dielli, por kemi ardhur deri këtu. Forca jonë është më e madhe se kërcënimet e Trump”

, tha një emigrant për agjencinë e lajmeve AFP.

Presidenti amerikan Donald Trump ka kërcënuar se do të dërgojë ushtrinë në kufi me Meksikën, nëse kjo e fundit nuk ndalon kalimin e emigrantëve ilegalë që vijnë nga vendet e tjera të Amerikës Qëndrore.

/tvklan.al