Tre persona kanë humbur jetën në aksidente rrugore ditën e sotme në Shkodër. Sipas asaj që njofton Policia është arrestuar 28-vjeçari i cili në aksin rrugor Shkodër-Koplik ka përplasur për vdekje 84-vjeçarin me motomjet, i cili ka humbur  jetën në Spitalin Rajonal të Shkodrës. 

Gjithashtu një tjetër aksident ka ndodhur në Shirokë-Shkodër, ku 35-vjeçarja ka përplasur për vdekje 70-vjeçarin i cili lëvizte me biçikletë. Blutë kanë bërë të mundur arrestimin në flagrancë të shoferes.

Një tjetër aksident me pasojë vdekjen ka ndodhur në aksin rrugor Shkodër-Koplik, ku shoferja 24-vjeçare ka përplasur motomjetin që drejtohej nga një 70-vjeçar i cili ka ka humbur jetën në Spitalin Rajonal të Shkodrës. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i Policisë:

DVP Shkodër- Specialistët e Sektorit të Qarkullimit Rrugor në DVP Shkodër arrestuan në flagrancë shtetasit:

K. D., 28 vjeç, pasi në aksin rrugor Shkodër-Koplik ky shtetas duke drejtuar automjetin e tij, ka përplasur  motomjetin me drejtues  shtetasin B. T., 84 vjeç. I cili ka humbur  jetën në Spitalin Rajonal të Shkodrës. 

 E. M., 35 vjeçe., banuese në Shirokë. Në aksin rrugor Shirokë-Shkodër, kjo shtetase duke drejtuar automjetin e saj, ka përplasur shtetasin S. Rr., 70 vjeç, që lëvizte me biçikletë, i cili ka humbur jetën në Spitalin Rajonal të Shkodrës. 

L. B., 24 vjeçe., pasi ditën e sotme në aksin rrugor Shkodër-Koplik, kjo shtetase duke drejtuar automjetin e saj, ka përplasur  motomjetin me drejtues  shtetasin K. Xh., 70 vjeç, i cili  ka humbur jetën në Spitalin Rajonal të Shkodrës. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

/tvklan.al