Tjetër ndryshim në listën e Kombëtares Shqiptare pak ditë para ndeshjeve të Nations League ndaj Çekisë dhe Gjeorgjisë. Teksa ishte në dyshim mësohet se sulmuesi Myrto Uzuni nuk e ka kaluar shqetësimin muskulor që pati në ndeshjen e fundit me kubin e Granadas.

Pasi u paraqit në Kombëtare për t’iu nënshtruar analizave mjekësore, stafi mjekësor i përfaqësueses aplikoi tek futbollisti një rezonancë magnetike e cila evidentoi një dëmtim në muskujt e pulpës së djathtë.

Për këtë arsye, lojtari nuk mund të jetë i disponueshëm për ndeshjet e Kombëtares dhe do të kthehet në klubin e tij për të vazhduar programin e rikuperimit.

Trajneri Silvinjo ka vendosur të thërrasë në vendin e tij sulmuesin Indrit Tuçi, i cili pritet të mbërrijë në Tiranë këtë të mërkurë për t’iu bashkuar ekipit në përgatitjet për dy transfertat e rëndësishme.

Tv Klan