Në internet po qarkullon një video në të cilën presidenti i zgjedhur i SHBA-së, Donald Trump shihet me një model të ri flokësh. Pamjet janë bërë virale ndërsa Trumpi duket më i ri dhe me energjinë e duhur për detyrën që e pret në Janar.

Trump ndodhej në Klubin Ndërkombëtar të Golfit Trump në West Palm Beach në Florida dhe përshëndeti një turmë mbështetësish të tij.

“Trump sapo zbuloi një model të ri flokësh”, tha një përdorues i X që ndau videon. Ndërsa të tjerë shkruajnë se presidenti i zgjedhur ka realizuar modelin në formën e një kapeleje.

Disa komentues që ja pëlqyen prerjen e re të flokëve thonë se është unik siç ishte edhe fushata e tij presidenciale.

Klan News