Këto janë pamjet ekskluzive të arrestimit të ish-Presidentit të Republikës Ilir Meta.

Siç shihni në video, agjentët e Byrosë Kombëtare të Hetimit (BKH) e kanë rrethuar automjetin e tij te “Kthesa e Kamzës” dhe e kanë tërhequr me forcë drejt automjetit të policisë.

Duket se Meta ka bërë rezistencë gjatë ndalimit të tij. Mësohet se efektivët e policisë e kanë ndjekur atë që prej pikës kufitare të Morinës, pasi ish-Presidenti po kthehej nga Kosova.

Meta, është ish-Presidenti i parë që prangoset në vend. Ai është arrestuar me urdhër të SPAK në kuadër të hetimeve për çështjen e pasurisë. Ndaj ish-bashkëshortes së tij Monika Kryemadhi është caktuar masa e sigurisë “detyrim paraqitje”.

Ndaj Metës rëndojnë 3 akuza penale, për “korrupsion”, “pastrim parash” dhe “mos deklarim pasurie”.

/tvklan.al