Erzeni ka zgjedhur trajnerin e ri. Drejtimi i shijakasve i është besuar Ergys Lugës.

Tekniku 36-vjeçar do të pasojë në stol të larguarin Justin Bespalla, i cili e mbylli me skuadrën pas humbjes pak ditë më parë ndaj Kastriotit.

Luga synon të rikthejë ekipin te rezultatet pozitive, pas një fillimi shumë të dobët në Kategorinë e Parë.

Pas shtatë javëve të para, skuadra e Erzenit mban vendin e fundit në renditje me vetëm 1 pikë të marrë. Shijakasit deri tani numërojnë gjashtë humbje dhe një barazim. /tvklan.al