Piloti britanik duhet që të mos humbë më pikë, ndërsa i druhet faktit se Verstappen është më i shpejtë

Lewis Hamilton ka frikë se ëndrra e tij për titullin kampion të Formula 1 në këtë sezon mund të jetë e vështirë për t’u realizuar nëse skuderia e Mercedesit nuk e ndreq mangësinë që ka me rivalët e Red Bullit në shpejtësi.

Britaniku e di se që të mund të festojë në fund të kampionatit, duhet që të dalë i pari në katër garat e mbetura.

Hamilton, që e ka fituar 7 herë titullin kampion ka 19 pikë më pak se sa Verstappen.

 “Ka ende katër gara. Eshtë e kuptueshme që 19 pikë diferencë janë shumë. Verstappen ka arritur shumë fitore këtë vit. Nëse vazhdojnë që të jenë superiorë në shpejtësi,  atëherë do të kemi probleme. Duhet të fitoj të gjitha garat e mbetura, këtë objektiv kemi pasur në garat e fundit. Kam frikë se ata janë shumë të shpejtë. Po bëjmë çdo gjë që është e mundur, por fatkeqësisht nuk është e mjaftueshme që të konkurojmë me ta”.

Gara e radhës do të jetë në 14 Nëntor në Bazil. Dëshira e pilotit britanik është që ta fitojë për herë të tetë kampionatin, e të lërë pas legjendën Michael Schumacher.

Klan News