Sulmuesi i West Ham, Michail Antonio është përfshirë në një aksident të rëndë. Futbollisti i Premier League, pësoi një përplasje të fortë me makinën “Ferrari”.

Nuk ka ende informacion për gjendjen e lojtarit, por edhe për shkaqet e aksidentit. Në një njoftim të West Ham, klubi konfirmon së Antonio është përfshirë në aksident të rëndë, por nuk zbulon gjendjen e tij, për të cilën do të ketë një njoftim të dytë.

“West Ham mund të konfirmojë se sulmuesi Michail Antonio është përfshirë sot në një aksident automobilistik. Mendimet dhe lutjet e të gjithëve në klub në këtë periudhë janë për Michail, familjen e tij dhe miqtë. Klubi do të publikojë një përditësim në një kohë të dytë”, thuhet në njoftimin e klubit.

Në pamjet e publikuara në internet, shihet makina e Antonio-s, e dëmtuar rëndë që mund t’i kenë shkaktuar probleme edhe lojtarit që ishte në drejtim. /tvklan.al