Të ftuar në emisionin Historia ime në Tv Klan kanë qenë përfaqësues të ndryshëm të komuniteteve fetare në Shqipëri, Miron Çako, përgjegjës i katekizmit në Kishën Ortodokse, Lenida Halilaj psikologe, Altin Zefi pastor dhe Ilir Curri hoxhë, për të folur në lidhje me transgjinorët në shoqërinë tonë.

Miron Çako është shprehur se çdo marrëdhënie jashtë natyrale, homoseksual dhe ndryshimi i veshjes është e neveritshme në sytë e Zotit.

“Kisha Ortodokse nuk i pranon transvestitët në problematikën e tyre sepse bie ndesh me atë çfarë ka krijuar Perëndia. Në ligjin e Mojsiut aty ndalohet çdo marrëdhënie jashtë natyrale, homoseksuale edhe diçka tjetër dhe ndalohet në mënyrë kategorike ndryshimi i veshjeve. Në shkrimin e shenjtë na thuhet “një burrë nuk mund të veshë rrobat e një gruaje dhe e kundërta, kjo është e neveritshme në sytë e Zotit. Sot shikojmë një lloj fryme liberalizmi ose të heqim këto gardhe morale dhe nëse ne vazhdojmë kështu do të kënaqim orekset e njerëzve dhe problemet e njerëzve që kanë problematika të ndryshme, duke prishur gardhet, atëherë do shohim se do kemi fenomene të pamenaxhueshme më vonë sepse njeriu ka shumë pasione brenda vetes, por nuk mund t’i kryejnë sepse bien ndesh me shoqërinë, ligjin dhe moralin”, është shprehur Miron Çako. /tvklan.al