Kongresi certifikoi zyrtarisht fitoren e Donald Trump në zgjedhjet presidenciale të SHBA-së në vitin 2024.

Numërimi i votave elektorale u zhvillua qetë dhe pa kundërshtime apo problematika në sallë, ndryshe nga çfarë ndodhi 4 vite më parë.

Certifikimin e rezultatit e shpalli zv/presidentja Kamala Harris, e cila në zgjedhjet e Nëntorit u mund nga Trump.

Sipas ligjeve amerikane, kjo deklaratë konsiderohet përfundimtare në termat ligjorë duke shpallur në këtë mënyrë presidentin dhe zv/presidentin e zgjedhur.

Donald Trump dhe zëvendësi i tij, JD Vance fituan 312 vota elektorale. Harris dhe zëvendësi që zgjodhi ajo, Tim Walz morën 226 vota elektorale.

Tashmë pritet 20 Janari, ditë kur Trump do të inaugurohet si president i SHBA-së./tvklan.al