Marco Baroni ka gjetur formulën fituese te Lazio. Skuadra italiane është befasia e këtij sezoni, duke mrekulluar Serie A, dhe jo vetëm. Arsyet e suksesit janë të shumta, kjo e konfirmuar edhe nga puna e shkëlqyer e teknikut italian, i aftë për të përfshirë shumë lojtarë në projekt dhe për të shfrytëzuar karakteristikat e tyre për ta bërë ekipin të performojë mirë në fushë.

Fryte që janë reflektuar edhe në shifra e rezultat. Një aspekt ku ai është fokusuar është tek cilësitë e lojtarëve për të shënuar.

Nga 27 golat e realizuar në Serie A, Lazio ka 13 protagonistë të ndryshëm, i njëjti numër me Interin. Peshën kryesore e ka mbajtur Mattia Zaçagni dhe Castellanos me 5 gola secili, teksa interesant është fakti që secili prej sulmuesve në dispozicion ka shënuar të paktën një herë.

Lazio po përjeton një moment të mirë në këtë pikë të sezonit, mes kampionatit dhe Europa League. Në 7 ndeshjet e fundit kanë shënuar po kaq fitore, teksa janë mposhtur vetëm një herë në 12 të fundit në të gjitha garat.

Klan News