#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.

Përfundon Lufta në Gaza/ Gazetarja Mema tregon se si do të funksionojë armëpushimi

Izraeli dhe Hamasi pranuan një marrëveshje që mund të ndalojë luftën në Gaza dhe të shikojë
lirimin e pengjeve izraelite e të burgosurve palestinezë, sipas negociatorëve të SHBA-së dhe
Katarit. Ky është zhvillimi më i rëndësishëm në 15 muajt e luftës, e cila shpërtheu kur Hamasi,
grupi i armatosur palestinez, sulmoi Izraelin në Tetor të vitit 2023.
Në të dy anët e kufirit, në Gaza dhe në Izrael, lajmin për arritjen e armëpushimit që do t’i japë
fund luftës 15 mujore e pritën me lot gëzimi. I pari që lajmëroi armëpushimin ishte presidenti
i zgjedhur i ShBA-së, Donald Trump. Ndërkohë, nga Shtëpia e Bardhë foli presidenti Joe Biden
që konfirmoi arritjen e marrëveshjes së shumëpritur.
Arritjen e marrëveshjes e konfirmoi në një deklaratë të posaçme në Doha edhe kryeministri i
Katarit Sheikh Mohammed Bin Al Thani i cili bëri të ditur se armëpushimi do të hyjë në fuqi të
dielën e 19 Janari.

Luftar Paja dhe Arqile Lipe, dy ikona e skenës shqiptare në një rrëfim të rrallë

Në këtë pjesë të emisionit do kemi dy të ftuar special dhe mjaft të veçantë. Dy ikona, emblema
të skenës shqiptar. Bëhet fjalë për dy personalitete të mertituar e talente të mëdhenj të
humorit dhe satirës, Estradës së Fierit, prej nga kanë nisur…(Në vitet `80 estrada e Fierit ishte
në kulmin e humorit shqiptar)
Mjafton të këndohet refreni i parodisë “Rrofsh o Malo që na ftove” dhe menjëherë në mendje
të vjen aktori Arqile Lipe, të cilin do ta kemi sot së bashku me një tjetër ikonë të teatrit, por
edhe kinemasë, Luftar Paja, me mbi rreth 300 figura peronazhesh të luajtura.

U.F.O në galerinë “GOCAT, një ekspozitë që nuk duhet humbur e Ardian Isufit

Në këtë pjesë të emisionit do të ndalemi tek një ngjarje e rëndësishme kulturore, një ekspozitë
e veçantë sjellë nga artisti dhe pedagogu Ardian Isufi me një karrierë të gjatë në skenën e artit
pamor, kritikës organizimit te aktiviteteve artistike dhe kurimit te ekspozitave të veprave të
artit. Bëhet fjalë për ekspozitën “Unidentified False Objects” ose U.F.O  një ekspozitë
multidimensionale me vepra arti  e artistit dhe piktorit Ardian Isufi, e cila është celur në
Piramidën e Tiranës, në galerinë më të madhe të artit bashkëkohor në Tiranë, “GOCAT”, prej
datës 10 dhjetor 2024  dhe do të qëndrojë e hapur për publikun i cili do të ketë mundësinë ta
vizitojë falas përgjatë gjithë kësaj kohe deri më 10 shkurt 2025.  
Kjo është ekspozita e katert e hapur në Galerinë “GOCAT”. Galeria “GOCAT”, është dhuratë
nga Fondacioni Mane, dhe lajmi i bukur është që është falas si për artistët, ashtu edhe për
vizitorët. “GOCAT” eshte nje galeri qe jep mundesite per te promovuar artin bashkekohor.