Carlo Ancelotti feston një arritje të veçantë në pankinën e Real Madrid. Mbrëmjen e sotme, në sfidë e orës 21:00 kundër Alaves, për italianin do të jetë ndeshja e 300 në krye të Real Madrid, duke u vendosur si një nga trajnerët më të rëndësishëm dhe më emblematikë në historinë e klubit spanjoll.

Në këto 300 ndeshje, trajneri italian ka arritur një bilanc të lakmueshëm prej 217 fitoresh, 43 barazime dhe vetëm 39 humbje, duke treguar se është trajneri më i mirë i mundshëm për këtë ekip, i aftë për të arritur gjëra që askush nuk mund t’i imagjinonte.

Me italianin, Real Madrid ka fituar gjithsej 14 tituj. Ancelotti ka fituar tre Champions League, tre Superkupa Evropiane, dy Liga në Spanjë, dy Kupa të Botës për Klube, dy Kupa të Mbretit dhe dy Superkupa të Spanjës.

Ky rekord mbresëlënës dhe unik e bën atë trajnerin me më shumë tituj ndërkombëtarë në historinë e klubit.

Ancelotti ka fituar respektin e çdo tifozi të Real Madridit dhe lojtarëve të tij për stilin e tij të qetë të regjisorit tani me famë botërore dhe aftësinë e tij për t’u përshtatur me kërkesat e futbollit modern.

Në moshën 65-vjeçare, Carlo Ancelotti ka siguruar se nuk e ka në mendje të largohet nga pankina dhe të tërhiqet.

Tv Klan