Kjo pemë krishtlindjesh është më e shtrenjta në Evropë. Ajo është krijuar me monedha ari dhe ka një vlerë prej 5.2 milionë euro. Megjithatë kjo pemë nuk mund të blihet e gjitha.

“Këto monedha individuale janë të disponueshme për blerje. Pjesa e sipërme, ylli, është gjithashtu i formuar nga një monedhë prej ari dhe mund ta blini atë gjithashtu në dyqanin tonë, por ju nuk mund ta blini pemën në tërësi,” tha Benjamin Summa, zëdhënës i kompanisë ‘Proarum’.

Me tensionet gjeopolitike dhe kërkesën në rritje nga bankat qendrore dhe investitorët, çmimet e arit kanë arritur shifra të reja.

“Pra, ari është gjithashtu relativisht i shtrenjtë për momentin. Aktualisht po përjetojmë një rritje të fundvitit në tregjet e aksioneve. Bitcoin është gjithashtu më i lartë se kurrë pas zgjedhjeve në SHBA. Por ari gjithashtu është rritur shumë ndjeshëm kohët e fundit në krahasim me të njëjtën periudhë të vitit të kaluar, ari është rritur me 34 për qind, por kërkesa është ende shumë e fortë, në kontrast me Bitcoin,” tha Benjamin Summa.

Pema do të qëndrojë e ekspozuar dhe të gjithë do të jenë të mirëpritur për ta parë dhe për ta admiruar atë.

Klan News