Leonard Jaeger është një influencer i ri që po bën bujë në skenën e ekstremit të djathtë në Gjermani. Gjatë vizitës së tij në kongresin e partisë Alternativa për Gjermaninë (AfD) në Riesa, ai u trajtua si një njeri i famshëm.

Influencuesit e krahut të djathtë po fitojnë vëmendje të madhe në Gjermani, një trend veçanërisht i dukshëm në kohën që përkon me zgjedhjet kombëtare.

Vendi do të mbajë zgjedhje të parakohshme kombëtare më 23 Shkurt pas rënies së koalicionit trepalësh të kancelarit Olaf Scholz.

Jaeger, i cili e quan veten “Heretik i kohëve moderne”, ka më shumë se 480,000 ndjekës në YouTube dhe krijon përmbajtje për pjesën më të madhe të të rinjve.

“Unë jam kundër denigrimit të opozitës. Dhe kjo është arsyeja pse po përpiqem të flas me këta njerëz për të parë nëse mund t’i tregohet në kamera: Hej, funksionon. Mund të flisni me njerëz me mendime të ndryshme, qofshin ata që votojnë të majtën e gjelbër apo AfD”, tha Leonard Jaeger.

Sipas konsulentit politik dhe komunikimit, Johannes Hillje, një sërë faktorësh kontribuojnë në popullaritetin e influencuesve të krahut të djathtë. Më e rëndësishmja, ato favorizohen nga algoritmet për shkak të natyrës polarizuese të përmbajtjes së tyre.

“AfD është partia me shtrirjen më të gjerë në mediat sociale në mesin e partive gjermane dhe ka qenë për shumë vite. Kjo ka të bëjë me faktin se ajo ka kanalizuar qëllimisht një shumë të gjerë të burimeve të komunikimit në atë hapësirë ​​dixhitale dhe ka akorduar shumë burime të komunikimit dixhital”, tha Johannes Hillje.

Shumë influencues po krijojnë përmbajtje që konfirmon dhe vërteton botëkuptimin e AfD-së, sepse ata nuk janë të lidhur drejtpërdrejt me partinë dhe nuk bëjnë pjesë në kategoritë ligjore të bërjes së reklamave ose përdorimit të burimeve të partisë për të financuar videot e tyre.

Krijimi i angazhimit është një model i mirë biznesi, pavarësisht nga politika që përfaqëson krijuesi.

Jaeger, gjatë vizitës së tij në kongresin e partisë, u përpoq të bisedonte me protestuesit e majtë që mbanin një tubim aty pranë, por nuk ia doli.

Ai tha se motivimi i tij kryesor për krijimin e përmbajtjes së krahut të djathtë është një përpjekje për dialog.

Një tjetër influencër është edhe Nina Poppel. Videot e saj me përmbajtje poltike janë bërë virale ku paralajmëron përdoruesit të mos ngecin në një flluskë informacioni.

Ajo thotë se është shumë e lehtë të ndalosh përfshirjen me opinione të tjera, gjë që mund të çojë në zhvillimin e botëkuptimeve të dëmshme.

“Tani kam arritur 300,000 ndjekës në Instagram dhe 131,000 të tjerë në TikTok. Mendoj se është një përgjegjësi e madhe pasi postimet e mia shpesh bëhen virale. Ndonjëherë, kur bëhet virale, unë arrij një milion apo edhe 5 milionë njerëz dhe është një përgjegjësi e jashtëzakonshme për kontentin që unë publikoj. Ndonjëherë kjo më vë nën shumë presion”, tha Nina Poppel.

Poppel ndjen një përgjegjësi të madhe për të krijuar përmbajtje kuptimplote dhe inkurajon audiencën e saj të qëndrojë e informuar, sepse, siç thotë ajo, edhe përmbajtja e saj ka një paragjykim të natyrshëm dhe të pashmangshëm.

“Unë shoh një rrezik të madh sepse ju jeni në të vërtetë në flluskën tuaj pasi njerëzit marrin informacion vetëm përmes meje, për shembull. Ka në mënyrë të pashmangshme gjithashtu një paragjykim sepse unë gjithashtu zgjedh tema të caktuara dhe mendoj se është një rrezik i madh. Njerëzit besojnë tek unë. Por njerëzit gjithashtu do të besojnë tek dikush tjetër që ka mendime shumë ekstreme, sepse ata gjithmonë mund të duan mendime të tjera ekstreme dhe më pas ata i ndjekin ata. Justifikohen sipas mendimit të tyre, që mund të jetë një budallallëk i plotë dhe ata nuk mund të dalin prej tij.”, tha Poppel.

Gjermania ka dy parti të: Social Demokratët (SPD) të qendrës së majtë të Scholz-it dhe konservatorët e opozitës, një aleancë e Kristian Demokratëve (CDU) dhe partisë së tyre simotër bavareze, Unioni Kristian Social (CSU).

Të dyja kanë humbur mbështetjen në vitet e fundit, me partitë më të vogla si të Gjelbërit dhe Alternativa për Gjermaninë (AfD) e ekstremit të djathtë që fitojnë terren. AfD kundër Islamit, kundër emigracionit ka bërë thirrje që kufijtë të mbyllen dhe azilkërkuesit të mos kenë më të drejtën e bashkimit familjar. Disa anëtarë të lartë të AfD-së kanë shkuar më tej në komentet e tyre dhe kanë qenë të pranishëm në diskutimet mes aktivistëve të së djathtës ekstreme për deportimin e miliona njerëzve me origjinë të huaj, përfshirë shtetas gjermanë.

Ata janë gjithashtu partia që ka përqafuar më shumë administratën Trump dhe ka marrë mbështetje të shumta nga Elon Musk.

Konservatorët kryesojnë sondazhet mbarëkombëtare për më shumë se dy vjet. Analistët thonë se sondazhet mund të ndryshojnë shpejt, pasi votuesit janë më pak besnikë ndaj partive sesa dikur. Në fushatën zgjedhore të vitit 2021, konservatorët kaluan nga kryesues në të dytët në renditje brenda pak muajsh.

Të gjitha partitë kryesore të Gjermanisë favorizojnë ndihmën e Ukrainës për të shmangur agresionin rus ndërsa AfD dhe Aleanca Sahra Wagenknecht duan t’i jepet fund dërgesave të armëve në Kiev dhe një rifillim të marrëdhënieve të mira me Moskën.

Në aspektin ekonomik, Scholz ka propozuar nxitjen e investimeve private dhe modernizimin e infrastrukturës me një fond jashtë buxhetit, 100 miliardë euro. Robert Habeck i të Gjelbërve, ashtu si Scholz, ka bërë thirrje për reformë të frenimit të borxhit të garantuar me kushtetutë të Gjermanisë për të lejuar shpenzime publike më të larta.

Lideri i konservatorëve, Friedrich Merz ka sinjalizuar gjithashtu nnjë reforme të moderuar të frenimit të borxhit, por AfD dhe FDP janë mbrojtës të ashpër të kufirit të huamarrjes publike.

Nga ana tjetër çështja se si do të punohet me administratën e re të presidentit amerikan Donald Trump, i cili tashmë ka vënë në dukje mundësinë e rritjes së tarifave dhe uljes së mbështetjes ushtarake për Evropën, është veçanërisht e ndjeshme për Gjermaninë.

SHBA mbetet destinacioni kryesor për eksportet gjermane dhe aleati kryesor i sigurisë. Të gjitha partitë kryesore kanë shprehur skepticizëm në lidhje me kërkesën e Trump për vendet evropiane që të rrisin shpenzimet për mbrojtjen në 5% të prodhimit ekonomik pasi kjo është tepër e kushtueshme, duke pasur parasysh se Gjermania tashmë do të luftojë për të mbajtur në 2% pasi fondi i saj special për ushtrinë mbaron.

Klan News