Pjesë e emisionit “Historia ime” në Tv Klan, ka qenë Elsa Dhako, 30 vjeçe, nga qyteti i Pogradecit nënë e tre fëmijëve, përkatësisht 11, 7 dhe 5 vjeç.

Ka pasur një jetë të vështirë. Problemet e saj kanë nisur herët.  Për shkak të kushteve të vështira ekonomike, për të mos jetuar më rrugëve, e ëma e martoi qëkur ishte 13 vjeçe. Nga martesa e parë ka një djalë 13 vjeç. Dy fëmijët e tjerë(vajzat) i ka lindur më vonë, jo me bashkëshortin e parë.

Martesa e parë nuk shkoi mirë dhe nuk zgjati shumë. Më pas, Elsa filloi punë si kameriere. Ndërkohë që punonte kameriere, ra në shoqëri të keqe dhe për të rritur fëmijët u detyrua të shiste trupin.

Mirela Milori: U ktheve tek nëna, si vazhdoi jeta jote?

Elsa Dhamo: Jeta ishte shumë mirë, më donte, më përkrahte mami shumë. Mami nuk paguante dot qiranë dhe ika në Greqi me vëllain, djalin e vogël e kam pasur 6 muajsh. Vajta në Greqi dhe punova për të mbajtur djalin.

Mirela Milori: Çfarë punoje në Greqi?

Elsa Dhamo: Me bagëtitë shkoja, pastroja sa për të ushqyer djalin. Isha me vëllain dhe ndenjta 1 vit.

Mirela Milori: U ktheve në Pogradec dhe fillove punë.

Elsa Dhamo: Fillova punë si kamariere. Isha rrugëve nuk dija ku të vija, nuk kisha krah. Kisha një dajovicë (nusja e dajës), ajo nuk më përkrahu fare, mbeta rrugëve, kam lypur dhe fatkeqësisht ngela shtatzënë dhe nuk kisha lekë ta abortoja. Jam detyruar i kam thënë mamit më duhen 100 mijë lekë, mami më tha bëj çfarë të duash, nuk më ka përkrahur. Por falenderoj Zotin që ka qenë ish-bashkëshorti i dytë që kam tani, ky është me të meta mendore dhe mi pranoi të dyja vajzat.

Mirela Milori: Një moment, ti fillove të punoje si kamariere, por atje për fat jo të mirë, nise një shoqëri jo të mirë apo jo? Si pasojë që ti ishe me këtë shoqëri të keqe, fillove të kishe një jetë jo të mirë.

Elsa Dhamo: Vetëm nga e keqja sepse nuk kisha si t’i ushqeja fëmijët, nuk kisha ku të shkoja, nuk njihja asnjë njeri.

Mirela Milori: Për sa kohë e ushtrove atë lloj profesioni që të mos e përmendim, por të gjithë e kuptojnë?

Elsa Dhamo: Gati 1 vit.

Mirela Milori: Qëndrojë në rrugë, apo ishte dikush që…

Elsa Dhamo: Jo tek lokali ku punoja kamariere ishte një dhomë.

Mirela Milori: Klientët vinin gjoja për të pirë kafe dhe… Ti i jepje lekë të zotit të lokalit?

Elsa Dhamo: Po, merrte 5 mijë lekë.

Mirela Milori: Po ti sa merrje?

Elsa Dhamo: Merrja 20-30 se isha e vogël.

Mirela Milori: Si e kujton atë vit?

Elsa Dhamo: Kur e kujtoj më rrëqethet trupi, e them o Zot çfarë kam bërë. Falenderoj Zotin që dola nga ajo rrugë.

Mirela Milori: Po djalin ku e lije?

Elsa Dhamo: E merrja kudo me vete, e kisha të vogël, ma mbante pronarja djalin kur futesha me klientët në dhomë. Djali ishte nja 7 vjeç në atë kohë.

Mirela Milori: Ka kuptuar gjë djali?

Elsa Dhamo: Jo ishte shumë i vogël. /tvklan.al