Denoncimi i radhës në emisionin “Stop” vjen nga qyteti i Beratit. Një konflikt i hershëm, që ka ndarë një familje, ka bërë që studentja e vitit të parë, të mos plotësojë kriterin për të përfituar bursë, pasi i ati i ndjerë, që ndërroi jetë në Gjermani në 22 Gusht, figuron ende i gjallë në Gjendjen Civile.

Në emër të studentes ka folur e motra e saj dhe thotë, se që kjo e fundit të përfitojnë bursën, duhet të faktohet mungesa e njërit prind. Në agjencinë funerale thonë, se duhet të vijë skeda e vdekjes, bashkë me Vulën Apostile, që të bëhet çregjistrimi.

“Ka vdekur më 22 Gusht. Kemi shkuar tek Gjendja Civile dhe na thonë që nuk është çregjistruar emri. Edhe tek Bashkia e njëjta gjë që ne kërkojmë një vërtetim për bursën e motrës që ta përfitojmë. Mami jonë është ndarë para 10 vitesh për dhunë dhe kemi shkuar tek agjencia funerale, kemi folur me zotin Përparim dhe na thotë që duhet të vijë skeda e vdekjes bashkë me Vulën Apostile që të bëhet çregjistrimi, ndërkohë që këto dokumente nuk kanë ardhur deri më sot sepse ai po bën dy muaj e gjysmë. Ne si fëmijët e tij kërkojmë shkakun e vdekjes, si ka vdekur, sepse ndryshe na thonë kalimtarët në rrugë që është hedhur nga kati i tretë dhe ndryshe na thonë që mund ta kenë vrarë ose mund të ketë rënë nga skela se punonte në Gjermani. Tani diçka ka. Unë dyshoj për diçka, familjarët nuk çojnë dokumentet. E kemi marrë vesh nga kalimtarët se nuk jemi njoftuar as për varrimin e tij”, tha vajza.

Ajo ka treguar se nuk ka pasur kontakte me njerëzit e afërm të babait pasi ai është ndarë me të ëmën e saj për dhunë.

“Motra nuk e përfiton bursën nëse ai del i gjallë në Gjendjen Civile”, thotë vajza.

Në Gjendjen Civile, ku babai i vajzave rezulton i gjallë, shpjegojnë, se familjarët nuk kanë shkuar kurrë pranë këtij institucioni.

Punonjësi: Nuk kam të drejtë t’i them unë familjarëve: Shko ti, se të duhen certifikatat! Ai, nëse nuk do të vejë, penalizohet. Unë ia kam sqaruar. I kam thënë: Ti s’më beson, prandaj më ke inatosur. Unë kam dashur të të ndihmoj.

E ëma: Ju thatë në fillim, se nuk i kanë sjellë dokumentet, pastaj the, s’e kanë sjellë…

Punonjësi: Kur erdhët herën e parë, nuk kishin sjellë dokumente fare. Kur edhe herën e dytë, të thashë: kanë sjellë disa dokumente, por nuk e di çfarë janë dhe i thashë merri këto dokumente, se ishin në gjermanisht. Këto dokumente, zotëri, meqë ata nuk dinë dhe unë kam eksperiencë, po jo, se i kam unë të detyrueshme t’i bëj, merri, shko te përkthyesi gjerman, shikoji çfarë janë dhe në qoftë se aty është skeda e vdekjes, përktheje, noterizoje dhe shko në Gjendjen Civile. Vajtën, e bënë këtë punë, aty ishte skeda e vdekjes. Po, ishte skeda e vdekjes aty, po ngaqë ishte në gjermanisht, se as unë nuk i kuptoj. Vajtën, e përkthyen, e noterizuan, Ponja i kishte thënë, se pa më ardhur Pulla Apostile, unë nuk ta lëshoj dot certifikatën.

Punonjësja e Gjendjes Civile Berat, shprehet, se familjarët nuk kanë ardhur kurrë pranë zyrës.

Gazetari: Duhet patjetër kjo Vula Apostile? Dokumentet e tjera nuk bëjnë punë për ta çregjistruar?

Punonjësja: Skeda e vdekjes me vulën e mjekut!

Gazetari: E jep mjeku këtu në Berat për një vdekje, që ka ndodhur në Gjermani? Në momentin, që këta nuk e kanë Vulën Apostile, me skedën e vdekjes, a mund të bëhet çregjistrimi nga Gjendja Civile?

Punonjësja: Në qoftë se ka vulë nga mjeku, unë e bëj çregjistrimin, nuk është problem. Nuk ka ardhur asnjë nga familjarët.

Po tek Bashkia e Beratit çfarë thonë?

Punonjësja: Kjo është një administratë publike. Është një institucion dhe funksionon në bazë të disa rregullave, në bazë të disa procedurave dhe nuk e anashkalojmë dot këtë pjesë. Procedura thotë, që duhet bërë çregjistrimi atje, duhen dorëzuar dokumentet. Në momentin, që nuk është kjo, ne jemi përpjekur të gjejmë një hapësirë, për t’ju lëshuar një dokument, për t’ju ndihmuar, për sa kohë po ju vonon kjo procedura tjetër, jo për arsyen tonë dhe kjo kërkon edhe kohën e vet.

Gazetari i “Stop” vur përballë familjarët në konflikt të të ndjerit, motra e të cilit shprehet, se dokumentacioni në Gjermani është shumë i vështirë për t’u sjellë për shkak të Covid-it.

Gazetari: Pse nuk është çregjistruar akoma nga Gjendja Civile?

Halla: Zotëri, dokumentacioni në Gjermani është shumë i vështirë, për t’u prurë për shkak të Covid-it. Kemi tri muaj, që po marrim-po japim, edhe ne nuk duam ta zvarrisim, se kemi halle e problemet tona. I prunë të parat bashkë me trupin, i prunë pa Vulë Apostile. Nuk t’i pranon njeri pa pullë dhe Vulë Apostile, për të bërë çregjistrim apo ca janë të tjera.

Kushëriri: Nuk kemi njeri në Gjermani, për t’u marrë me këto gjëra, ia lamë funeralit.

Gazetari: Mund të vijë këtu?

Kushëriri: Absolutisht!

Vajza: Pse nuk po bëhet çregjistrimi?

Kushëriri: Çregjistrimin po na e merr përsipër një kompani funerale, sepse ne nuk kemi njeri në Gjermani, që të ndjekë…

Vajza: Si nuk ke? Nuk ke xhaxhain ti, Gentin?

Kushëriri: Është shumë larg. Po presim dokumentacionin, sepse në Gjermani vijnë me postë, për shkak të Covid-it. Në qoftë se e di, do presësh datën. Më lër numër telefoni. Momentin e parë, që do vijnë dokumentet…

E ëma: Me skedën e vdekjes, ju nuk e çregjistroni dot në Gjendjen Civile? Me skedën e vdekjes e bën çregjistrimin.

Kushëriri: Duhet Vulë Apostile dhe është duke ardhur.

Gjyshja: Ajo nuk ka punë, ajo.

Vajza: S’ka punë me atë! Po flas unë.

Gjyshja: As me ty!

Gjyshja: Qysh? As me mua moj? Si as me mua? Sot po e kërkon babanë ti?

Kushëriri: Ka pësuar një aksident dhe ka rënë nga kati i tretë, nga ballkoni. Ndenji shumë ditë në koma, trajtimi filloi, që në momentin e parë në spital, ka bërë shumë operacione, ishte me dy këmbë të thyera.

Denoncuesja: Dua t’ju lajmëroj se, të nesërmen më erdhën oficerë të policisë së Beratit dhe më kërkuan të më shoqërojnë në polici, me arsyen, se familjarët e babait tim më kanë kallëzuar për fyerje, në kohën, kur u bë përballja në praninë tuaj.

Ballafaqimi me punonjësit e policisë.

Vajza: Kush ishit? Si e ke emrin?

Oficeri: Do t’ju marr atje, do t’ju shoqëroj.

Vajza: Jo, nuk do më marrësh mua. Si e ke emrin?/tvklan.al