Kylian Mbappe duket se ka gjetur formën e tij më të mirë, që nga transferimi te Real Madrid në merkaton e verës.

Sulmuesi francez realizoi tripletë golash në fitoren 0-3 të Real Madrid në transfertë ndaj Valladolid. Mbappe zhbllokoi sfidën në minutën e 30-të, ndërsa realizoi edhe dy gola të tjerë në pjesën e dytë, në minutat 57 dhe 91.

Kjo është tripleta e parë për sulmuesin me fanellën e Real Madrid, ndërsa fitorja për skuadrën e Ancelotti-t ishte shumë e rëndësishme në garën për titullin kampion.

Ky sukses, i mban madrilenët në vendin e parë me 49 pikë, 4 më shumë se Atletico Madrid dhe 10 pikë më shumë se Barcelona. /tvklan.al